Ремонттан соң Түбән Кама бала тудыру йорты ачылуы
Түбән Камада капремонттан соң бала тудыру йорты корпусын ачу тантанасы министр Альмир Абашев катнашында узды.
Яңартылган корпуста йөклелек башланганнан алып ана булуның беренче көннәренә кадәр хатын-кызларга комплекслы медицина ярдәме күрсәтеләчәк.
Ул замана җайланмалары белән җиһазландырылган: наркоз-сулыш аппаратурасы, рентген, операция өстәлләре, яңа караватлар һәм бала тудыру креслолары сатып алынган.
Беренче катта кабул итү бүлеге, административ блок, рентген-кабинет һәм йогышлы авырулар боксы урнашкан. Икенче катта - 5 хәзерге заман таләпләренә туры килгән бала тудыру залы, шулай ук 8 бала тудыру палатасы булган бала тудыру бүлеге.
Уртак бала тудыру өчен шартлар тудырылган, шулай ук индивидуаль палаталар барлыкка килгән.
Өченче һәм дүртенче катларда - яңа туган сабыйлар патологиясе бүлекләре, бала тугач «Ана һәм бала» палаталары белән бүлекләр.
Түбән Кама район балалар хастаханәсенең перинаталь үзәгендә елына 2000 бала тудыралар.