Казанда капиталь ремонттан соң сөт ризыкларын өләшү пункты ачылды
Бүген, Халыкара балаларны яклау көнендә, Казанда капиталь ремонттан соң Журналистлар ур., 9 йортта урнашкан сөт ризыкларын өләшү пункты ачылды. Ул Казан шәһәренең «6 нчы шәһәр балалар поликлиникасы» ДАССУ базасында урнашкан.
Ачылу тантанасында ТР сәламәтлек саклау министры урынбасары – Казан шәһәренең Сәламәтлек саклау идарәсе башлыгы Илназ Әхмәдиев катнашты.
Сөт ризыкларын алучылар саны – 793 бала.
Бизәкләү барлык замана таләпләрен исәпкә алып, бердәм стандарт буенча башкарылган, ризыкларны саклау өчен яңа җиһазлар куелган.
Сөт ризыкларын өләшү пунктында хәзерге заман суыткыч җайланмалары, мебель бар.
Хәзер яшь ата-аналар сөт продукциясен уңайлырак шартларда ала алачак.
Исегезгә төшерәбез, 2025 елдан Татарстан Республикасы Рәисе Р.Н. Миңнеханов йөкләмәсе нигезендә Татарстан Республикасы Сәламәтлек саклау министрлыгы, Татарстан Республикасы Төзелеш, архитектура һәм торак-коммуналь хуҗалыгы министрлыгы белән берлектә балалар хастаханәләре, сырхауханәләре базасында урнашкан, суыткыч җайланмалары һәм мебель белән җиһазландырылган сөт ризыкларын өләшү пунктларына капиталь ремонт ясауның өч еллык программасы гамәлгә ашырыла.
2026 елда, программаның икенче этабын гамәлгә ашыру кысаларында, 33 сөт туклануы пунктын ремонтлау планлаштырыла.
Хәзерге вакытта 25 объектта ремонт эшләре тәмамланган, калган 8 объектта эшләр актив дәвам итә, аларның 90% ы үтәлгән.