Республика җәмәгать сәламәтлеге һәм медицина профилактикасы үзәгеннән яңа файдалы контент
3 августтан 9 августка кадәр Россия Федерациясе Сәламәтлек саклау министрлыгы тарафыннан Халыкара имезү атналыгына багышланган имезүне популярлаштыру атналыгы уза. Бу чорда аеруча игътибарны яңа туган сабый өчен иң кулай туклану буларак күкрәк сөтенең өстенлекләренә, шулай ук имезүче аналарга һәрьяклап ярдәм итү зарурлыгына юнәлтү мөһим.
Республика җәмәгать сәламәтлеге һәм медицина профилактикасы үзәгеннән яңа файдалы контент! Бу юлы сүз имезүнең иң мөһим аспектлары турында барачак.
Спикер – «Академик В.И. Кулаков исемендәге акушерлык, гинекология һәм перинатология Милли медицина тикшеренү үзәге» Федераль дәүләт бюджет учреждениесе Неонатология һәм педиатрия институтының нутритив технологияләр бүлеге фәнни хезмәткәре, Казан клиникаларының берсендә балалар поликлиникасы бүлеге мөдире Светлана Игоревна Жданова подкастлар форматында бәяләп бетергесез белемнәре белән уртаклашачак.
Беренче видеода сез имезгәндә баланы дөрес кую һәм хатын-кызның сөте аз булса, нишләргә кирәклеге турында барысын да белерсез: https://rutube.ru/video/00b2d507ed696abe0889d84fb5b8b0ae/
Икенче видеода сез баланы таләп буенча яки сәгать буенча ашатырга һәм имезүче анага нинди диета тотарга киңәш ителүен белерсез: https://rutube.ru/video/a88c70a368d64874b4751bb5d1e7fa4b/
Профессионалдан дөрес мәгълүмат алу мөмкинлеген кулдан ычкындырмагыз. Видеоны сылтамалар буенча карагыз һәм бу мәгълүмат кемгә файдалы була ала, шулар белән уртаклашыгыз.