Сез боларның барысын да яңадан кичерергә әзер
Әлмәттә яшәүче хатынның, табиб-терапевт Мәрьям Заһидуллинаның исеме бүген яңадан аның элеккеге хезмәттәшләре, бертуганнары, дуслары һәм күршеләре телендә яңгырый. Чөнки 85-нче туган көне очрагы буенча сәбәп бар. Ә телефон буенча (аның белән бер көн элек сөйләшкән идем) аның тавышы әле бик яшь, чиста, һәм хатирәләре шулкадәр яңа, хәтта ул Чистай районы Ромашкино авылында үткән балачагы турында барысын да тәфсилләп сөйли ала.
«Камыш кебек юка булган» әнисен, Мәһүзәне, хәтерли. Шулай ук үзенең атасын. Трофик җәрәхәтләр белән булган веналарның варикоз киңәюе атасын бик интектерә иде. Аның төнге ыңгырашуларын һәм түзә алмаслык җәфалар Ишетте марьям. Менә шулчакта табиб булырга һәм аны дәваларга уйлады.
Ул чакларда төрлесен кичерделәр, ләкин озак көтелгән Җиңү турындагы хәбәр белән бергә (Мәрьям 7-нче сыйныфны бетерә иде) балачак хыялын тормышка ашырырга өмет барлыкка килде. 1948 елда Чистай фельдшер-акушер мәктәбен бетерде, Саба районында фельдшер сәламәтлек саклау пункты мөдире булып эшләде. Бер елдан соң ата-анасына кайтты һәм 1953 елга кадәр Чистай хастаханәсендә шәфкать туташы булып эшләде.
Казан медицина институтына укырга җиңел керде һәм аны тәмамлаганнан соң (1959) эшкә җибәрү буенча инде ире Рифкать Заһидуллин белән (мал табибы) 1963 нче елга кадәр Рус-Акташ участок хастаханәсенә табиб-терапевт булып эшләргә килде. Монда аларның балалары, ул һәм кыз туды. Аларның уртак хезмәт эшчәнлекләренең тагын өч елы Азнакай һәм Лениногорск районнарына багышланды. Ә 1966 елда аларның Әлмәт белән озак унъеллыклар буена очрашулары булды.
Начар юлларны да, яктыртылмаган урамнарны да искә төшерә Мәрьям Гайниевна. Бәлки, авыр да булгандыр, ләкин республиканың Сәламәтлек саклау министрлыгының булышуы һәм кайгыртуы, торак белән тәэмин итү һәм үз пациентларының саулыгы өчен үз-үзен биреп эшләве коткара иде. Тагын гаиләдәге терәк һәм таяныч та. Тыйнаклык күрсәтте.
Тыйнаклык, бриллиант шикелле, аз сүзле, ләкин аның даими яктылык белән балкучы үз яктысы бар дип әйткән кемдер. Менә ул да, Мәрьям Гайниевна Заһидуллина кешеләр дәвалауга 43 елын багышлап, Әлмәт үзәк район хастаханәсенең дус коллективының иҗтимагый һәм профсоюз тормышында активист хатын булырга өлгергән.
Аның хезмәтенең нәтиҗәсе һәм алган бүләкләре - пациентларның мәхәббәте һәм хөрмәте. Бу аның өчен - һәртөрле мактаулардан да югарырак. ТР ССМ ӘМР Сәламәтлек саклау идарәсе җитәкчесе Равил Хәйруллин да шулай дип саный. Ул, Мәрьям Гайниевнаның сәламәтлек саклауның медицина цехы һәм ветераннар оешмасы буенча хезмәттәшләре белән бергә, аның озак вакыт тел тидермәслек хезмәте өчен рәхмәт белдерде һәм озак елларга яхшы сәламәтлек теләде.