Татарстан Республикасы Сәламәтлек саклау министрлыгы

6 февральдә Казанда «Сөт бизе яман шеше. Профилактикалау, дәвалау һәм реабилитацияләү» темасына «Пациентлар мәктәбе» узачак

2014 елның 31 гыйнвары, җомга

ТР Сәламәтлек саклау министрлыгының Республика клиник онкология диспансеры бөтен теләүчеләрне, пациентларны һәм аларның туганнарын, үз сәламәтлеге һәм якын кешеләре сәламәтлегенә салкын карамаган кешеләрне «Сөт бизе яман шеше. Профилактикалау, дәвалау һәм реабилитацияләү» темасына булган «Пациентлар мәктәбенә» барырга чакыра. «Пациентлар мәктәбе» чикләрендә республиканың әйдәүче табиблары белән очрашу булачак. Мәктәпне «ТР ССМ РКОД» баш табибы Хәсәнов Рөстәм Шамил улы ачачак. Чара барышында түбәндәге мәсьәләләр: «Сөт бизе яман шеше. Профилактикалау, дәвалау һәм реабилитацияләү», «Сөт бизе яман шеше диагнозы булган хатын-кызларга психологик ярдәм күрсәтү», «Онкология авырулары белән авыручыларга медицина ярдәмен күрсәтүнең социаль-хокукый аспектлары» каралачак. Әгәр дә Сезне һәм Сезнең якын, белгән кешеләрегезне дәвалау һәм реабилитацияләүнең яңа алымнары, социаль саклау мәсьәләләре кызыксындыра икән, әгәр Сезгә психология ярдәме кирәк булса, үзегез килегез һәм кызыксынган кешеләрне чакырыгыз. Уздыру вакыты: 2014 елның 6 феврале, 15.00
Уздыру урыны: Казан шәһ., Себер тракты ур., 29, ТР Сәламәтлек саклау министрлыгының Республика клиник онкология диспансеры, конференц-зал (И корпусы, 2нче кат).

БАРЛЫК ЯҢАЛЫКЛАРНЫ УКУ