Татарстан Республикасы Сәламәтлек саклау министрлыгы

Казанда дару тәэминәтенә багышланган республика киңәшмәсе булды

2014 елның 20 феврале, пәнҗешәмбе

Казанда «2013 елның нәтиҗәләре буенча 7 финанс-чыгымлы авыру буенча кирәкле дару чаралары белән тәэмин итү, регион дәрәҗәсендәге җаваплылык льготникларын һәм Татарстан Республикасының медицина оешмаларын түләүсез дару белән тәэмин итү программаларын гамәлгә ашыру» дигән видеоконференция тәртибендә республика киңәшмәсе булды. Киңәшмәне Татарстан Республикасы сәламәтлек саклау министрының беренче урынбасары С.А. Осипов уздырды. Шулай ук киңәшмәнең эшендә Татарстан Республикасы буенча Росздравнадзор идарәсенең вәкилләре, медицина фәннәре докторы, профессор, РТФА академигы С.Ш. Сөләйманов, Татарстан Республикасы Сәламәтлек саклау министрлыгы аппаратының, Татарстан Республикасы Территориаль мәҗбүри медицина иминияте фондының, Республика медицина мәгълүмат-аналитик үзәгенең хезмәткәрләре, Казан шәһ. сырхауханәләре баш табиблары, «Таттехмедфарм» ДУП аппаратының һәм даруханә оешмаларының җитәкчеләре, шулай ук муниципаль оешмаларның башкарма комитетларының вәкилләре, медицина оешмалары җитәкчеләре, аларның урынбасарлары, даруханә оешмаларының җитәкчеләре катнаштылар. Видеоконференция барышында кирәкле дару чаралары белән тәэмин итү программаларын гамәлгә ашыру мәсьәләләре карап тикшерелде, «Таттехмедфарм» ДУПның 2013 елда регион дәрәҗәсендәге җаваплылык льготникларын һәм Татарстан Республикасының медицина оешмаларын дару чаралары һәм медицина буенча билгеләнгән эшләнмәләр белән тәэмин итү эшенең йомгаклары ясалды. Шулай ук киңәшмәнең катнашучылары клиник фармакология һәм рациональ фармакотерапия мәсьәләләрен һәм медицина оешмалары территорияләрендә тәмәке тартуны чикләүне тикшерү мәсьәләләрен карап тикшерделәр.

БАРЛЫК ЯҢАЛЫКЛАРНЫ УКУ