25 мартта Казанда «Сирәк очрый торган авырулар өлкәсендә дәүләт сәясәтен гамәлгә ашыру чикләрендә субъектның Юл картасын формалаштыру буенча регион тәкъдимнәре» дигән Түгәрәк өстәл булачак

25 мартта Казанда 11.00 сәгатьтән башлап 420111, Казан, Петербург ур. 1, «Grand Hotel «KAZAN» кунакханәсе адресы буенча «Сирәк очрый торган авырулар өлкәсендә дәүләт сәясәтен гамәлгә ашыру чикләрендә субъектның Юл картасын формалаштыру буенча регион тәкъдимнәре» дигән Түгәрәк өстәл булачак.

Белдерелгән чара – 2014 елда дәүләт хакимиятенең органнары, фәнни берләшмә, пациентлар һәм башка кызыксынган яклар катнашуы белән 10 субъектта планлаштырылган –  түгәрәк өстәлләр сериясенә керә.

Төп максат булып бөтен Россия Федерациясе территориясендә сирәк очрый торган авырулар өлкәсендәге бердәм дәүләт сәясәте чикләрендә «Регионның юл карталарын» формалаштыру, шулай ук Россия Федерациясе субъектларында пациентлар хокукларын гамәлгә ашыруда бөтен үзенчәлекләрне һәм юнәлешләрне исәпләү торачак.

Регионнарның Сәламәтлек саклау министрлыкларының, Законнар чыгара торган җыелышларының, Финанс министрлыкларының вәкилләре, регионнарның бөтен баш белгечләре, пациентлар берләшмәләре, ММЧ катнашуында булган чаралар Чиләбедә, Пензада, Санкт-Петербургта, Барнаулда һәм Волгоградта уздылар инде.

Чарада катнашу өчен регионнарның губернаторлары, субъектларның сәламәтлек саклау органнарының вәкилләре, субъектларның законнар чыгара торган җыелышларының вәкилләре, субъектларның ССМ баш штаттан тыш белгечләре, иҗтимагый оешмалар, ММЧ чакырылдылар.