Татарстанда табиблар җитмәүнең кискен мәсьәләсен уңышлы чишәләр

Медикларны, торак мәсьәләсен чишәргә булышып, башка районнардан тарталар. Акчалата ярдәмнәр, ташламалар һәм балалар туган өчен бурычның бер өлешен исәптән чыгаруны вәгьдә итәләр.

700 диярлек табиб – республиканың бөтен хастаханәләренә нәкъ шулкадәр белгеч кирәк. Табибларның күбесе инде пенсия яшендә, яшьләрнең кайберсе зур хезмәт хакына хосусый клиникаларга китәләр. Аеруча көчле җитмәү гомуми практика табиблары арасында сизелә. Кайбер терапевтларга икешәр участок алып барырга туры килә.

«Эш күләме бик зур булганлыктан, әлбәттә, хәтта ике эшне башкарып та, бу эшне тулы күләмдә һәм сыйфатлы итеп алар үти алмыйлар», - дип Казанның 7нче номерлы сырхауханәсенең баш табибы Разита Богданова аңлата.

Нәтиҗәдә пациентлар түземле итеп чиратларда утыралар. Кайвакыт теге я бу белгечкә эләгү өчен айдан артык көтәргә кирәк.

Әгәр Татарстанда үз медицина кадрлары юк икән, аларны башка регионнардан эзләргә дип, нәтиҗәгә киленде.  Шуның өчен хәтта махсус булышу программасын төзеделәр. Табиб яхшы эш кенә түгел, ләкин торак сатып алу өчен ярты миллион сумлы грантка өмет тә ала.

Бу елда гына Татарстанда торак алу өчен 200гә якын грант бирергә планлаштыралар. Белгеч өчен бер генә шарт бар – республикада 5 ел эшләргә.