Татарстан Республикасы Сәламәтлек саклау министрлыгы

Җиңүнең 69 еллыгына

2014 елның 5 мае, дүшәмбе

Җиңү бәйрәме алдыннан «ТР ССМ Республика суд-медицина экспертизасы бюросы» ДАССОсында сугыш гамәлләрендә катнашкан һәм тылда эшләгән ветераннар хәтеренә багышланган тантаналы чаралар үттеләр.

Апрельдә Сугыш Ветераннары Госпиталендә (Исаева ур., 13 йорт) бюроның эшләми торган пенсионерлары өчен диспансерлаштыру булды. Госпиталь медиклары тарафыннан 18 кешегә төп медицина тикшерүе үткәрелде. Медицина тикшерүенең вакытын кыскарту һәм аның уңайлылыгы өчен алдан Госпитальгә килүнең тулы планы эшләп чыгарылды, алдан ук һәр пациентка медицина карталары әзерләнгән иде. Суд-биология һәм суд-химия бүлекләренең фельдшер-лаборантлары пенсионерларны тикшеренү барышында озата бардылар. Медицина тикшеренүен үтү өчен пенсионерларга бюро автотранспорты оештырылды.
Ике пенсионер өчен Казан шәһәренең сырхауханәләреннән кирәкле табиб-белгечләренең өйләргә килүләре оештырылды.
Бүген конференц-залда концерт булды, анда бюро хезмәткәрләре һәм суд медицинасында күп еллар эшләгән һәм лаеклы ялда булган хезмәттәшләр чакырылды. Концерт алдыннан сугыш хроникасы кадрлары белән һәм фронт ветераннары һәм Татарстанның суд-медицина хезмәтендә эшләүче тыл ветераннары фотографияләре белән булган зур булмаган документаль фильм күрсәтелде. Бюро хезмәткәрләре башкаруында сугыш еллары җырлары һәм шигырьләре яңгырадылар. Бюро хезмәткәрләренең мәктәпкәчә һәм кече мәктәп яшендәге балаларының һәм оныкларының чыгышлары аеруча дулкынландыргыч булды. Концерт җылы һәм дуслык шартларында үтте һәм гадәттәге чәй эчү белән тәмамланды

ФОТОРЕПОРТАЖНЫ КАРАУ Фоторепортаж

БАРЛЫК ЯҢАЛЫКЛАРНЫ УКУ