Балалар көлгәнне яратам

«Балалар көлгәнне яратам» дигән исем астында БРКХнең онкогематология бүлегенең кечкенә пациентлары өчен бүген дәвалау оешмасының китапханә-мәгълүмат үзәгендә балалар язучысы Андрей Усачёв иҗатының әдәби - музыкаль презентациясе булды.
Бу - искиткеч балалар язучысының әсәрләре дөньясына мавыктыргыч һәм бик кызыклы сәяхәт. Андрей Усачёвның китаплары мәрхәмәтле һәм үткен юмор, күңелле һәм көтелмәгән маҗаралар белән тулы. Язучының иҗаты белән балаларны Республика балалар китапханәсе хезмәткәрләре таныштырдылар.
Республика үзәгенең белгечләре балалар өчен кызыклы һәм белемне арттыру программасы хәзерләделәр, анда балаларны язучының аеруча танылган әсәрләре - «Акыллы эт Соня», «Күлләвекне кем ясады?», «Горчица» белән таныштырдылар, авторның әсәрләре буенча мультфильмнар күрсәттеләр. Малайлар һәм кызлар әдәби викторинада катнаштылар һәм табышмакларга җаваплар эзләделәр. Баш табиб урынбасары Клетенкова Гөлнур Риваль кызы Татарстанның балалар китапханәсе хезмәткәрләренә кызыклы һәм белемне арттыру чарасы өчен рәхмәт әйтте.