Халыкка киңәшләр: җәйге эсседә үз-үзеңне тоту кагыйдәләре

Җәйге эссе – озакка сузылучан һәм йөрәк-кан тамырлары авыруларының үткенләшүенә китерүче кояш һәм эссе сугуның сәбәбе. Эссе - бу, иң әүвәл, йөрәккә йөкләнеш. Ул тырышып эшли башлый, чөнки басым күтәрелә, кислород җитми, кеше еш сулый башлый, тир күбрәк бүленеп чыга. Болар барысы да инсульт, инфарктны барлыкка китерә ала торган гипертония кризына китерергә мөмкин. Эссе сугу вакытында барлыкка килүче куркыныч халәтнең беренче билгеләре булып баш сызлау, баш әйләнү, күңел болгану, еш йөрәк тибү, салкын тир чыгу һәм һуш китүләр тора ала, шулай ук күрүнең кискен начараюы – күзләрдә икеләнү барлыкка килергә мөмкин. Критик очракларда  кеше аңын югалта ала, ә тән температурасы 41 градуска кадәр күтәрелергә мөмкин.
Җәйге эссене кичерер өчен гади киңәшләр:
- Кызу көннәрдә ачык һавага 10-11 сәгатькә кадәр чыгарга кирәк, соңрак яшел зонада  агачлар күләгәсендә торырга мөмкин.
- Су режимын сакларга кирәк - тәүлеккә 2,5-3 литр эчәргә. Ләкин йөрәк авыруы булганда табиб белән киңәшләшергә кирәк, йөрәккә йөкләнешне арттырмас өчен.
- Җәен гади су түгел, ә, мәсәлән, лимонлы су яки тынычландыручы үләннәрдән ясалган чәй эчәргә тәкъдим ителә.
- Тәүлек рационында майлы һәм аксымлы азыкны чикләргә кирәк. Күбрәк яшелчәләр һәм җиләк-җимешләр кулланыгыз.
- Эсседә физик йөкләнешләрдән һәм спорт белән шөгыльләнүләрдән качарга кирәк.
Кояш яки эссе сугуның кайсы да булса билгеләре булганда, тиз генә табиб чакырыгыз. Бөркү транспортта яки урам уртасында көтмәгәндә аңын югалткан кешегә ярдәмне вакытында һәм дөрес күрсәтә алу бик мөһим. Моның өчен кешене күләгәгә күчерергә, саф һава килү белән тәэмин итәргә һәм табиб килгәнче яткан хәлдә тотарга кирәк.  

Җәйге кызулык чорында  үз-үзеңне тотуның шушы кагыйдәләрен үтәү Сезгә үз сәламәтлегегезне сакларга рөхсәт итә.