Сәламәт булу шәп!

«Перинаталь үзәкле Әлмәт балалар шәһәр хастаханәсе» ДАССО карамагындагы Балалар сәламәтлеге үзәгендә  сәламәтлек саклау оешмасы хезмәткәрләре оештырган инде традицион булган (2010 елдан башлап) бәйрәм шулай дип атала.
Бәйрәмдә катнашучылар, шәһәрнең 1, 7 һәм 25нче номерлы урта мәктәпләрендә укучылар олыларга үзләренең сәламәт яшәү рәвеше турында бөтен белгәннәрен КВН формасында күрсәттеләр. Плакатларда һәм стена газетларында сәламәт яшәү рәвеше кагыйдәләре, чыгышларында - рух дәрте, ә чакырылган артистларның чыгышларында хәрәкәтнең яшәү икәнлегенә дәлил.
Балаларның күзләрендә ялтырау һәм шатлык булсын өчен зурларның тырышлыгы кирәк. 7 нче номерлы урта төп белем бирү мәктәбенең  тәрбия эше буенча директор урынбасары Римма Мифтахова сүзләренә караганда, физкультура монда төп фән булып санала.
Бу уку оешмасында - иң яхшы спортзалларның берсе, тәнәфесләрдә  - динамик тынышлар, һәр иртә саен - иртәнге физзарядка, ә мәктәп тормышы тәртибендә тагын шәһәр читенә походлар да, Сәламәтлек көннәре, спорт секцияләре, җиңел атлетика эстафеталары һәм Милләтләр кроссында катнашу да. Кыскасы, сәламәт булу шәп!

Лилия Сабитова, ӘМР Сәламәтлек саклау идарәсенең матбугат хезмәте