РКХ эшен сыйфат тәэминәте һәм менеджмент өлкәсендә европа эксперты Радомир Бошкович бәяләде

РКХга аккредитация һәм бәяләү өлкәсендәге сыйфат тәэминәте һәм сыйфат менеджменты өлкәсендә европа эксперты, Сыйфат Тәэминәте Институты әгъзасы (Лондон), ISO 9001 һәм 14001 әйдәүче аудиторы, «Bonex Инжиниринг» институты проектларының директоры - Радомир Бошкович килеп китте. Клиникага ул ЮМТ Белем бирү үзәгенең инновацион эшчәнлеге буенча генераль директор урынбасары Гөлнара Фәррахова озатуында килде. Клиниканың эшчәнлеге белән Европа кунагын РКХнең баш табибы Р.Ф.Гайфуллин һәм хастаханәнең диагноз бүлеге җитәкчесе М.Р.Мәҗитов таныштырдылар.
Кунакка клиниканың эш алгоритмын карарга һәм шул эшне оештыруны бәяләргә мөмкинлек бирелде. Карап чыгу барышында ул кабул итү бүлегенең һәм стационарның эше белән танышты - диагноз, манипуляция, операция кабинетларын, инсульт һәм кардио-реанимация үзәген һәм торгызу дәвалавы кабинетларын карады, шулай ук ситуацион үзәкнең югары технологияле системасы белән җентекләбрәк танышты.
Визит тәмамланганда хастаханә администрациясе белән сөйләшү булды. Радомир Бошкович РКХ хезмәткәрләренең туктаусыз эшен һәм дәвалауның хастаханәдә  югары технологияле җайланмалар ярдәмендә оештырылган заманча алымнарын югары бәяләде. Үз чиратында ул персонал белән идарә итү сыйфаты буенча булган үз тәҗрибәсе белән бүлеште, хезмәт эшчәнлеген оештыру кагыйдәләре турында сөйләде һәм хастаханә җитәкчелегенә килергә мөмкинлек биргән өчен рәхмәт әйтте.