3нче Әлмәт шәһәр хастаханәсендә Нефрологлар мәктәбе

ТР Сәламәтлек саклау министрлыгының комплекслы эш планына туры китереп һәм нефрологик авырулары булган авыруларга медицина ярдәмен күрсәтүне камилләштерү максатларында 3нче Әлмәт шәһәр хастаханәсендә «Бөерләрнең киң таралган авырулары вакытында этаплы медицина ярдәмен күрсәтү» Нефрологлар мәктәбе булды.

Конференция эшендә Әлмәт, Азнакай, Аксубай, Бөгелмə, Баулы, Зəй, Лениногорск, Норлат, Яңа  Чишмə, Сарман, Уруссу, Чирмешəн үзәк район хастаханәләреннән, шулай ук «Татнефть» ААҖ медсанчастеннән һәм Әлмәт шәһ. табиб-нефрологлар, терапевтлар, педиатрлар, гомуми практика табиблары катнаштылар.

Шундый очрашуларның төп максаты – табибларны бөер авырулары турында яңа мәгълүматлар, диагноз һәм клиника тикшеренүләренең яңа ысуллары белән таныштыру.

Шунысы билгеле, бөерләр кеше организмын ахыргы азык-төлекләрдән, агулы матдәләрдән, артык сыеклыктан, тозлардан һәм органик кушылмалардан азат итәләр. Бөерләр канны чистарталар һәм артериаль басымны тәртипкә салучы матдәләрне эшләп чыгаралар. Бөер авырулары бөер җитешсезлегенә китерә алалар.

Белгечләр шуны билгелиләр: бөерләрнең күп авырулары яшерен формада уза алалар. Шунлыктан үз вакытында булган һөнәри карауларга һәм диспансерлаштыруларны үтүгә бик мөһим роль бирелә.

Конференция  эшенең чакырунамәсенә алдагы темалар кертелде һәм каралды: диабетик нефропатия, бөерләрнең ишемия авыруы, рациональ микробка каршы терапия һәм башкалар.

Лилия Сабитова, ӘМР Сәламәтлек саклау идарәсенең матбугат хезмәте