Шәфкатькә нигезләнгән һөнәри эшчәнлек

Табиб бурычына ихласлылык, кеше хәленә керә алу һәм шәфкатьлелек өчен рәхмәт йөзеннән Әлмәт муниципаль районының «Нефтьче» Мәдәният сараеның бәйрәмнәр залында гадәттәге тантаналар оештырылды. Монда хокук буенча, кемгә кешеләр үзләрендә булган иң кыйммәтле әйберләрен – сәламәтлекләрен ышанып тапшыралар –  шул кешеләрнең һөнәри бәйрәме үткәрелде.

Тантаналар кем ярдәмгә иң авыр минутларда килә һәм зур җаваплылык, ихласлылык, һәм ваемсыз түгеллеге белән безнең гомерләребезне коткара һәм өмет табарга булыша – шулар өчен булды.

Зал чын күңелдән һәм зур хөрмәт белән медицина хезмәте ветераннарын, Бөек Ватан сугышында катнашучы Мәрьям Хәйретдиновна Хәйретдинованы һәм Елена Ивановна Пряхинаны аягүрә басып сәламләде. Алар мондый хөрмәткә һәм тануга лаеклы. Аерым игътибар сәламәтлек саклау ветераннарына да бирелде.

ӘМР башлыгы Мәҗит Салихов үткән ел сәламәтлек саклавының мөһим чорларын, Президент һәм ТР Хөкүмәте, ТР Сәламәтлек саклау министрлыгы аркасында бу тармакны үстерү өчен төзелгән шартларны билгеләп үтте.

Район башлыгы халык сәламәтлеген саклау эшендә күпъеллык нәтиҗәле эшләүләре өчен һәм Медицина эшчеләре көнен бәйрәм итү белән бәйле лаеклы кешеләрне һәм коллективларны ӘМР Советының һәм башкарма комитетының Хөрмәт грамоталары белән бүләкләде.

Бәйрәмнең хөрмәтле кунагы, ТР сәламәтлек саклау министры урынбасары Ринат Җәләлдинов котлаганда, «республика өчен Әлмәт районы стратегик партнер булып тора» дип ассызыклады, һәм коткарып калынган гомерләр өчен аеруча рәхмәт әйтте.

Лилия Сабитова, ӘМР Сәламәтлек саклау идарәсенең матбугат хезмәте