Онкологик авыруларны иртә ачыклау турында бүген ТР Сәламәтлек саклау министрлыгының Республика киңәшмәсендә сөйләштеләр

Бүген видеоконференция режимында «Татарстан Республикасында яшәүче олылар арасында онкологик авыруларны иртә ачыклау буенча эшләнелүче эшләрнең халәте турында» дигән Республика киңәшмәсе булды. "Россиядә, Татарстан Республикасындагы кебек, онкологик авырулар халык үлеме сәбәпләре арасында икенче урында торалар. Татарстанда яман шеш авыруы белән авырый торган 80 меңнән артык кеше исәпләнә, бу - республикада яшәүче һәр 48-нче кеше. Яман шеш авырулары белән авырый торган кешеләрнең саны арту хәзерге заманның җитди проблемасы булып тора. Һәм без моңа тиешенчә җавап бирергә тиеш. Онкологик авырулар белән көрәшү проблемасы – медицинада иң мөһимнәрнең берсе. Ләкин аны да бергә куелган тырышлыклар белән чишеп була. Яман шеш авыруларын профилактикалауның аеруча эффектив ысулы булып шешләрне үсешләренең иртә стадияләрендә актив ачыклауны тәэмин итү тора» – дип ассызыклады ТР сәламәтлек саклау министры Адель Вафин.
Татарстан республикасы халкына онкологик ярдәм күрсәтүнең халәте турындагы беренче хәбәр белән ТР ССМ баш штаттан тыш белгеч-онкологы, Республика онкологик диспансерының баш табибы Рөстәм Хәсәнов чыгыш ясады.
«Татарстан Республикасы халкы арасында яман шеш авыруларын иртә ачыклау максатларында сәламәтлек саклау оешмалары эшчәнлекләренең нәтиҗәләре» темасына доклад белән Республика клиника онкологик диспансерының баш табибы урынбасары Камил Шакиров чыгыш ясады.
2010 – 2013 елларда визуаль локализация яман шешләрен иртә ачыклау буенча эшләнгән эшкә ТР Сәламәтлек саклау министрлыгының баш штаттан тыш белгеч-стоматологы, Республика клиника стоматология хастаханәсенең баш табибы Наиля Шәймиева нәтиҗә ясады.