Казанда Россия Респиратор җәмгыяте башкарма комитетының утырышы булды

2014 елның 4-5 июлендә Казанда Россиянең баш терапевты, Россия респиратор җәмгыяте идарәсе рәисе, ФМБАның пульмонология ФТИ ФДО (ФГУ НИИ) директоры, РМФА академигы, профессор Александр Чучалин җитәкчелеге астында Россия Респиратор җәмгыяте башкарма комитетының утырышыүтте. 2014 елның 14-17 октябрендә Мәскәүдә булачак 24-нче Сулыш әгъзалары авырулары буенча милли конгресс программасы расланды, клиник тәкъдимнәрнең яңа нигезләмәләре турында сөйләшенде, аларны кертү вакыт, процесс һәм профилактикалау сыйфат күрсәткечләрен күздә тота.

«Утырышның максаты - алдагы ике-өч елга респиратор медицина буенча нигезләр салырга. Татарстан - медицинаның кайбер өлкәләрендә алдынгы регион. Әмма беренчел буын дәрәҗәсендә пульмонологик профиль авыруларын диагностикалау өлешендә берникадәр чишелмәгән проблемалар бар. Шунысы куанычлы: республиканың бу сорауны чишәргә югары административ әзерлеге бар», дип ассызыклады Александр Чучалин.
Утырышта җәмгыятьнең сайтын яңарту һәм «Пульмонология» журналының аерым сайтын төзү турында карар кабул ителде, Европа респиратор җәмгыятендәге Россия милли делегаты ТР Сәламәтлек саклау министрлыгының баш иммунолог-аллергологы профессор Рөстәм Фассаховның (Казан) отчеты тыңланды. Яңадан сайланган делегат профессор Вера Невзорова (Владивосток) үз эшенең планы белән таныштырды.
Россия Респиратор җәмгыятенең барлык яңалыклары www.Pulmonology.Ru сайтында