Чаллы табиблары Ростов өлкәсенең кыр лагерьләренә киттеләр

Яр Чаллының медицина эшчеләре Украинадан китәргә мәҗбүр булган күченүчеләр өчен гуманитар ярдәм җыйдылар. ТР ССМ Яр Чаллы шәһ. буенча Сәламәтлек саклау идарәсе җитәкчесе Елена Боенко сүзләренә караганда, бу актив гражданлык позициясенең, шәфкатьлелекнең, дуслыкның һәм күршеләр белән яхшы мөгалләмәдә булуның яхшы үрнәге, без бүтән регионнардагы хезмәттәшләребезне, бизнес-структура вәкилләрен, иҗтимагый оешмаларны һәм илебезнең һәм Татарстан Республикасының битараф булмаган бөтен гражданнарын шулай итәргә чакырабыз.
Гуманитар йөкне бүген 11.07.2014 Ростов өлкәсенә киткән табиблар төркеме озатып бара. Украинадан килүче гражданиннарны вакытлы урнаштыру пунктларына шәһәрнең 9 оешмасыннан 13 кеше китте.
Качаклар лагерьләрендә чаллы медицина эшчеләре Украинаның Көньяк-Көнчыгыш регионнарыннан хезмәттәшләре белән очрашачаклар һәм Яр Чаллыда эшкә урнашырга тәкъдим ясаячаклар. Белгечләргә һәм аларның гаиләләренә күченү һәм торак белән тәэмин ителүдә кирәкле ярдәм күрсәтеләчәк.