Яр Чаллы табиблары Украинадан күченеп килүчеләрне карап чыктылар

2014 елның 14 июлендә Яр Чаллы шәһәрендә Украинадан вакытлыча күченеп килүчеләрне: олыларны һәм балаларны – табиблар карап чыктылар. Бу – авыр тормыш ситуациясендә кешеләргә ярдәм итәргә теләгән медицина эшчеләренең шәфкатьлелеге билгесе. Табибларның карап чыгулары күченүчеләр урнашкан урыннарда, 1/07 һәм 1/08 адресы буенча «Камазжилбыт» тулай торакларында үтте. Кешеләргә кызамыкка каршы вакцинация ясау башланды.
Исегезгә төшерәбез, 2014 елның июленең 13еннән 14енә булган төндә Ростовтан махсус рейс белән «Бегишево» аэропортына Украинадан вакытлы күченеп килүчеләр төркеме белән РФ ГТХМ самолеты очып килде. Бортта 128 кеше, аларның 58е балалар иде.