Бөгелмә ҮРХдә Бөек Ватан Сугышы ветераннары өчен палата төзекләндерелде

Бөгелмә ҮРХдә 11 июльдә шатлыклы вакыйга булды. Монда тантаналы рәвештә ветераннар, Бөек Ватан сугышы инвалидлары, тыл хезмәтчәннәре өчен уңайлылыгы бик югары булган палатаны ачтылар. Заманча палатаның тантаналы ачылуы Бөгелмә муниципаль районының башлыгы Илдус Касымов һәм "АК БАРС-Мед" Страховкалау компаниясе" ҖЧҖнең генераль директоры Линара Гарифуллина катнашуларында булды.
Исәп буенча, җирле үзәк район хастаханәсендә «Кадерле ветераныбыз» дигән республика акциясе чикләрендә төзекләндерелгән, уңайлылыгы бик югары булган бу инде өченче палата. Ул кардиология бүлегендә урнашкан. Анда ветераннар Рауза Ибраһимова һәм Галия Калимуллина дәваланалар инде. Палатага кергәч, Илдус Касымов пациенткаларның сәламәтлеге һәм аларның дәвалану шартлары белән кызыксынды.