Карелия Республикасының сәламәтлек саклау һәм социаль үсеш министры Валентина Улич Казанның берничә дәвалау оешмасына килеп китте

БүгенКарелия Республикасының сәламәтлек саклау һәм социаль үсеш министры Валентина Улич Казанның берничә дәвалау оешмасына килеп китте. ТР сәламәтлек саклау министры урынбасары Илдар Фатыйхов озатуында Валентина Василий кызы ТР ССМ Республика клиник хастаханәсенең эше белән танышты.Карелия Республикасы сәламәтлек саклау министры игътибарына хастаханәнең диагностика һәм реанимацион хезмәтләренең бөтен комплексының эше тәкъдим ителде, бу хезмәтләр аша монда кергән кичектергесез пациентлар уза. Ул инсульт үзәген, көчле авыручы пациентлар өчен реанимация һәм интенсив дәвалау бүлеген карап чыкты. Ул үзе РКХдә күрсәтелгән медицина ярдәменең өлгерлегенә һәм сыйфатына инанды: ситуацион үзәкнең эше белән танышты, бу үзәк җирлегендә безнең ил һәм чит ил клиникаларының югары квалификацияле белгечләренең бердәм консилиумнары һәм консультацияләре уздырыла. Ситуацион үзәкнең эше белән аны РКХ диагностик хезмәтенең җитәкчесе Марат Мәҗитов таныштырды. Аннары кунакка Универсиада Авылының территориясендә урнашкан Медицина үзәгенең эшен күрсәттеләр. ТР ССМ Республика клиник онкология диспансерында урнашкан Төш медицинасы үзәгендә Валентина Василий кызы Россиядә алтынчы булган яңа радионуклидлы дәвалау бүлегенең эше белән танышты. Радионуклидлы дәвалау бүлеге – онкология белән авыручыларны төрле терапевтик радиофармпрепаратларны аларның организмнарына кертү юлы белән госпиталь-стационар тәртиптә дәвалауны уздыру өчен билгеләнелгән «Төш медицинасы» үзәгенең махсуслаштырылган бүлекчәсе.