Узган атнада Казанда янгыннар, ЮТҺ, көчле миокард инфарктлары буенча ашыгыч ярдәм хезмәтен чакырулар саны артты

2014 елның 21нче июленнән 27сенә кадәр шәһәрнең ашыгыч ярдәм хезмәте табиблары кешеләрне коткарырга 7182 тапкыр, шул санда җәмәгать урыннарына 1355 тапкыр чыктылар. Бәхетсезлек очракларына медиклар 931 тапкыр, шул санда юл-транспорт һәлакәтләренә 59 тапкыр чыктылар. Шул юл-транспорт һәлакәтләрендә 58 кеше зыян күрде, 31 кеше дәвалау оешмаларына китерелде, 7 кеше һәлак булды. Янгыннарга медиклар 26 тапкыр чыктылар. Бала табуларга Казанның Ашыгыч медицина ярдәме станциясеннән медиклар 91 тапкыр чыктылар. Төрле авырулар буенча 5672 чакыру үтәлде, алар арасында көчле миокард инфарктлары – 60, баш мие кан әйләнешенең көчле бозылулары – 177.
Узган атна белән чагыштырганда үтәлгән чакырулар саны 229га кимеде (авырып китүләр, бәхетсезлек очраклары һәм бала табулар исәбенә). Чакырулар саны баш мие кан әйләнешенең көчле бозылулары буенча 14кә кимеде. Җәмәгать урыннарына чакырулар саны 106га кимеде. Кояш һәм эссе сугу буенча мөрәҗәгать итүләр булмады. Янгыннар буенча чакырулар саны 6га, ЮТҺ буенча – 2гә, көчле миокард инфарктлары буенча – 3кә артты.
Исегезгә төшерәбез,  «ашыгыч ярдәмгә» шәһәр телефоныннан «03» номерын җыеп шалтыратырга кирәк, ә кәрәзле телефоннан – «103»  (түләүсез). Әгәр шалтыратып булмый икән, тормышка куркыныч  янаган хәлләрдә «112» номеры буенча шалтыратырга мөмкин. Чукрак-телсез кешеләр SMS-хәбәрләр җибәрәләр. Авыру яисә зыян күргән кеше янына ашыгыч ярдәм бригадаларын  тиз итеп җибәрү өчен һәм үз вакытында медицина  ярдәмен  күрсәтү өчен чакыручы «03» номерында эшләүче фельдшер (диспетчер) биргән бөтен сорауларга аңлаешлы һәм төгәл итеп җавап бирергә тиеш. Чакыруның сәбәбен, урынын һәм адресын (шәһәрнең районын, урамын, квартира номерын, катын, подъезд номерын һәм кодын), ориентирларны, авыруның яисә зыян күргән кешенең фамилиясен, исемен, әтисенең исемен хәбәр итәргә кирәк. Фельдшер, бирелгән сорауларга тулы җаваплар алгач, чакыручыга «Сезнең чакыруыгыз кабул ителде» дип җавап бирсә, чакыруны кабул итү вакытын әйтсә һәм адресны кабатласа, чакыру кабул ителгән дип санала.