Казан шәһ. Студентлар сырхауханәсендә электрон чират

Казанда беренче тапкыр «Студенческая» 4нче шәһәр хастаханәсе» ДАССОда «ТР ЭСС БДМСны» ясаучылар белән бергәләп пациентка тавышлы һәм визуаль белгертә торган электрон чират системасы кертелде. Системаның эшләвен баш табиб Айрат Зиатдинов Татарстан Республикасының сәламәтлек саклау министры Вафин Адел Юныс улына күрсәтте.
Кертелгән яңалык начар күрүче пациентларны гына түгел, начар ишетүче пациентларны да колачларга мөмкинлек бирде. Системаны кертү оешма белгечләренә килүче пациентлар агымын тәртипкә салырга ярдәм итте, шулай ук сырхауханәнең техник җайланмасы белән бөтен язма чыганакларын үзәкләштерергә һәм пациентларның электрон язылуын алып баруның өстенлекләрен тулысынча кулланырга мөмкинлек бирде: Татарстан Республикасының дәүләт хезмәтләре порталы, регистратура, инфомат һәм телефон аша. Программа тәэминатының киңәйтелгән функционалы, тавышлы һәм визуаль белгертүе автоматлаштыру һәм пациентларга хезмәт күрсәтү процессын оештыру буенча булган мәсьәләләрне чишәргә мөмкинлек бирә.
Адел Юныс улы Казан шәһ. буенча сәламәтлек саклау идарәсе җитәкчесе Ахметов Рамил Уел улына Казан шәһ. хастаханәләренең баш табибларын бу система белән таныштырырга һәм шәһәр буенча кертү планын төзергә кушты.