Үткән атнада баш мие кан әйләнешенең көчле бозылулары буенча ашыгыч ярдәм хезмәтенә мөрәҗәгать итүләр саны артты

28нче июльдән 3нче августка кадәр шәһәрнең ашыгыч ярдәм хезмәте табиблары кешеләрне коткарырга 7556 тапкыр, шул санда җәмәгать урыннарына 1422 тапкыр чыктылар. Бәхетсезлек очракларына медиклар 1024 тапкыр, шул санда  юл-транспорт һәлакәтләренә 56 тапкыр чыктылар. Бу юл-транспорт һәлакәтләрендә 56 кеше зыян күрде, 27 кеше дәвалау оешмаларына китерелде. Янгыннарга медиклар 14 тапкыр чыктылар. Бала табуларга Казан Ашыгыч медицина ярдәме станциясе медиклары 104 тапкыр чыктылар. Төрле авырулар буенча 5953 чакыру үтәлде, шул санда көчле миокард инфарктлары – 44, баш мие кан әйләнешенең көчле бозылулары – 183.
Узган атна белән чагыштырганда үтәлгән чакырулар саны 374кә артты (авырулар, бәхетсезлек очраклары һәм бала табулар исәбенә). Баш мие кан әйләнешенең көчле бозылулары буенча мөрәҗәгать итүләр саны 6га артты. Җәмәгать урыннарына чакырулар саны 67гә артты. Түбәндәгеләр буенча чакырулар саны кимеде: янгыннар буенча – 12гә, ЮТҺ буенча – 3кә, көчле миокард инфарктлары буенча – 16га.
Исегезгә төшерәбез,  «ашыгыч ярдәмгә» шәһәр телефоныннан «03» номерын җыеп шалтыратырга кирәк, ә кәрәзле телефоннан – «103»  (түләүсез). Әгәр шалтыратып булмый икән, тормышка куркыныч  янаган хәлләрдә «112» номеры буенча шалтыратырга мөмкин. Чукрак-телсез кешеләр SMS-хәбәрләр җибәрәләр. Авыру яисә зыян күргән кеше янына ашыгыч ярдәм бригадаларын  тиз итеп җибәрү өчен һәм үз вакытында медицина  ярдәмен  күрсәтү өчен чакыручы «03» номерында эшләүче фельдшер (диспетчер) биргән бөтен сорауларга аңлаешлы һәм төгәл итеп җавап бирергә тиеш. Чакыруның сәбәбен, урынын һәм адресын (шәһәрнең районын, урамын, квартира номерын, катын, подъезд номерын һәм кодын), ориентирларны, авыруның яисә зыян күргән кешенең фамилиясен, исемен, әтисенең исемен хәбәр итәргә кирәк. Фельдшер, бирелгән сорауларга тулы җаваплар алгач, чакыручыга «Сезнең чакыруыгыз кабул ителде» дип җавап бирсә, чакыруны кабул итү вакытын әйтсә һәм адресны кабатласа, чакыру кабул ителгән дип санала.