Татарстан буйлап фестиваль атлый

Өч ел рәттән кунакчыл як, әлмәт уллары һәм кызлары җире, «Балкыш» дигән Республика ветераннар арасында үзешчән башкаручылар фестивалендә катнашучыларны киң колачлап кабул итә. Алдагы фестивальне үткәрү һәм бүгенгесенә әзерләнү буенча муниципаль берәмлекләрдә зур эш башкарылды.

Фестивальнең оештыру комитетына ТР Дәүләт Советы Рәисе Фәрит Мөхәммәтшин җитәкчелек итә, һәм ул республика башлыгының булышлыгында үткәрелә. Бәяләүнең төп критерийларының берсе булып башкарылучы әсәрләрнең «Бөек Җиңүнең 70-еллыгына багышлана» дигән тематикага туры килүе тора.

Әлмәт муниципаль районы җитәкчелеге исеменнән сәламләү сүзе һәм яхшы теләкләр белән сәламәтлек саклау һәм социаль яклау буенча башкарма комитет җитәкчесе урынбасары, ТР ССМ ӘМР буенча Сәламәтлек саклау идарәсе җитәкчесе Равил Хәйруллин Мәдәният елында үткәрелүче мәдәни чарада катнашучыларга мөрәҗәгать итте. Ул ветераннарның халыкка үзенчәлекле мәдәни һәм сәламәт яшәү идеясын җиткерүләре турында билгеләде.

Октябрьдә, республикабызның башкаласы Казан шәһәрендә Өлкәннәр көне алдыннан Җиңүнең юбилеена багышланган 1-нче гала-концерт һәм майда – 2-нче гала-концерт үтәчәк.

Лилия Сабитова, ӘМР Сәламәтлек саклау идарәсенең Матбугат хезмәте