Президент кулыннан лаеклы бүләк

2014 елның 28 августында Казан Кремлендә аеруча осталык күрсәткән татарстанлыларга Россия Федерациясе һәм Татарстан Республикасының Дәүләт бүләкләре тапшырылды.
Бүләкләрне Татарстан Республикасының Президенты Рөстәм Минниханов тапшырды. Татарстан Президенты Рөстәм Минниханов кулыннан «Татарстан Республикасының атказанган табибы» дәүләт бүләген анестезиология һәм реанимация бүлегенең мөдире, югары квалификацияле табиб Мостафина Лариса Анатольевна алды.
Лариса Анатольевна үзенең хезмәт эшчәнлеген 1992 елда Яшел Үзәннең  үзәк район хастаханәсендә анестезиология һәм реаниматология белгечлеге буенча табиб-интер булып башлады. Теория ягыннан яхшы хәзерләнү, практик күнегүләр һәм профессиональ белемнәр аңа табиб-ординатордан башлап Яшел Үзәннең ҮРХнең анестезиология-реанимация хезмәтенең җитәкчесенә кадәр юлны үтәргә булышты. 2012 елдан башлап Лариса Анатольевна Яшел Үзән муниципаль районының тышкы штаттагы төп анестезиолог-реаниматолог булып тора.
2005-2008 елларда «Россия Федерациясе һәм Йемен Республикасының сәламәтлек саклау министрлыклары арасында сәламәтлек саклау һәм медицина фәне өлкәсендә хезмәттәшлек турында беркетмә» нигезендә Санаа шәһәренең AL-THAWRA MODERN GENERAL HOSPITAL – Йемен Республикасының үзәк клиник хастаханәсендә эшләде. Л.А.Мостафинаның осталыгы һәм профессиональлеге профессиональ берләшмәнең  югары хөрмәтен яулады, яхшы хезмәте өчен аны почет грамотасы һәм халыкара сертификат белән бүләкләделәр.
Югары квалификацияле белгеч булып тора, анестезиянең хәзерге заман техник алымнары,үзәк тамырларны катетеризацияләү, терапиянең эфферент алымнары белән эш итә белә, хәзерге заман методикаларын кертә. Үзенең карамагындагы кешеләрнең профессиональ үсешенә һәртөрле ярдәм итә һәм аларның уңышлары белән горурлана. Укытучы хезмәте белән актив шөгыльләнә, Яшел Үзән медицина училищесы һәм табиблар квалификациясен күтәрү факультеты студентлары белән теоретик һәм практик дәресләр алып бара. Ул югары клиник фикерләүгә ия, һәрвакыт уйланылган, квалификацияле профессиональ нәтиҗәләргә килә, үзенең карашын дәлилләп бирә ала. Үз эшенең мәнфәгатьләренә  чын күңелдән бирелгән, эш сөючән, намуслы һәм профессиональ вазыйфаларын үтәгәндә үз дигәненә ирешүчән. Лариса   Анатольевнаны лаеклы бүләге белән хезмәттәшләре котлыйлар.