РФнең әйдәүче белгечләре җитәкчелегендә РКХдә мастер-класс үтте

Беренче операция мәни бизе аденомасының трансуретраль резекциясенә багышланган иде.
Мәни бизе аденомасы яки мәни бизенең зарарсыз шеше хәзерге чор ирләре арасында аеруча киң таралган һәм актуаль мәсьәлә булып тора. Диагностик мөмкинлекләр үсеше белән беррәттән урологик авыруларны аз инвазивлы хирургик дәвалау мөмкинлекләре дә үсеш алды. Мәни бизенең зарарсыз гиперплазиясе 65 яшьтән соң һәр 3нче ирдә табыла. Сидек бүлеп чыгаруның бозылуы, сидек куыгын бушату өчен төнлә белән торырга кирәк булу белән  авыруның беленүе, өстә күрсәткән яшьтән дә күпкә алданрак барлыкка килә. Илнең эшкә яраклы ир халкы шул кадәр күңелсез авырудан интегә булып чыга.
Икенче операция шулай ук актуаль мәсьәләгә - уретеропиелоскопия, бәйләнешле уретеролитотрипсия, сидек юлларының стентированиясе исеме астында бөер ташы авыруына багышланган иде. Бөер ташы авыруы үзенең ешлыгы буенча кешеләрнең барлык авырулары арасында 10нчы урында тора, ә бу тагын бер кат аның киң таралыш алуын һәм һичшиксез актуальлеген ассызыклый.
Шулай ук РФнең ашыгыч медицина мәсьәләләре буенча, һәлакәт медицинасының әйдәүче белгече, м.ф.д., профессор Шәрипов Ильверт Әхәт улы ашыгыч ярдәм күрсәтү буенча хәзерге заман юллары һәм авыр катнаш күкрәк җәрәхәте алган пациентларны киләчәктә реабилитицияләү, гадәттән тыш хәлләрдә һәм техноген һәлакәтләрдә зыян күргәннәргә медицина ярдәмен күрсәтүне оештыру буенча хәзерге заман методикалары турында сөйләде.