Бүген башкала кунаклары «Медицина фәннәре үзәген» һәм Казан шәһәренең 7нче номерлы шәһәр клиник хастаханәсен күрергә килде

Бүген башкала кунаклары «Медицина фәннәре үзәген» һәм Казан шәһәренең 7нче номерлы шәһәр клиник хастаханәсен күрергә килде.
Кунакларга инжиниринг үзәгендә «Чыгару ысуллары һәм инженерия» махсус лабораториясендә эшләнә торган ватанның яңа чыгару ысулларын күрсәттеләр. Монда медицина җиһазларын, электр җиһазларын, инженерия эшләнмәләрен, программа белән тәэмин итүне җитештерүче таркау төркемләр, шулай ук медицина өлкәсендәге фәнни группалар бердәм системага берләшкән.
Икенче лабораториядә − «Клиник очраклар һәм методикалар» − Мәскәү табибларына медицина симуляторларының төп юнәлешләре эшен күрсәттеләр: лапароскопия, ангиография, эндоурология, гинекология һ.б. Әлеге лабораториядә медицина югары уку йортларының кече инновацион предприятияләре бергәләшеп тикшерүләр һәм чыгару ысулларын тормышка ашыралар. «7нче номерлы шәһәр клиник хастаханәсе» ДАССОда табиб-ватандашларга кабул итү-диагностик бүлеген күрсәттеләр һәм эше турында сөйләп бирделәр, операция блогын һәм анестезиология һәм реанимация бүлекләрен күрсәттеләр. Шулай ук кунакларга хастаханәнең яңа хирургия корпусының 11нче этажында урнашкан вертолет мәйданын тәкъдим иттеләр.
Исегезгә төшерәбез, Казанга өч көнлек визит белән Татарстан Республикасыннан чыккан алдынгы Мәскәү табиблары килгән. Мәскәү табиблары клубының рәисе − безнең якташ, Россия медицина фәннәре академиясенең академигы Ренат Акчурин.