КДМУда белем көне

Иртәнге тугыздан башлап КДМУның 2нче бинасы (Казан шәһәре, Толстой ур.,6/30) янындагы сквер мәйданы КДМУның һәм медико-фармация колледжының ак халатлар һәм баш киемен кигән беренче курс студентлары һәм 116, 139 нче гимназияләрнең чыгарылыш укучылары белән тулган иде. Барлык җыелганнарга үзешчән сәнгать чыгышларын күрсәттеләр, «Мин киләчәкне сайлыйм» акциясе узды.
КДМУда белем көнен бәйрәм итүдә ректор А.С. Созинов, Казан мэры И.Р. Метшин, ТР Сәламәтлек саклау министрлыгының беренче урынбасары С.А. Осипов, Татарстан Республикасы буенча Россия Пенсия Фонды Бүлегенең җитәкчесе М.М. Имамов, ТР ҮСКнең рәисе Э.С. Гобәйдуллин, КДМУның Фәнни советның әгъзалары, студентлар һәм аларның әти-әниләре катнаштылар.
Үзенең сәлам сүзендә Казан дәүләт медицина университеты ректоры, профессор Алексей Станислав улы Созинов билгеләп үтте: Белем көне беркемне дә ваемсыз калдыра алмый һәм төп геройлар – яңа укырга керүчеләр. «Сезнең өчен – Беренче студентлар белеме көне, Сез – җиңүчеләр!». Быел КДМУна Россия Федерациясенең 27 субъектыннан 685 кеше укырга керде, бөтенроссия күләмендә һәм халыкара олимпиадаларда 13 җиңүче, укырга керүчеләрнең өчтән бер өлеше − урта-махсус уку йортларында «кызыл диплом» алучы медалистлар һәм чыгарылыш укучылары, − дип сөйләде ректор. Югары уку йортына уртача керү баллы – 72, дәвалау факультетына – 93 балл. «Медицина биохимиясе» белгечлегенә конкурс буенча – 1 урынга 62 кеше. Барлыгы югары уку йортында дөньяның 53 иленнән 600гә якын чит ил кешесе укый һәм бу елны гына КДМУна дөньяның 15 иленнән 150 чит ил кешесе укырга керде. Үзенең чыгышын тәмамлаганда Алексей Станиславович әйтте: «Халат – ул символ, кешеләр сәламәтлеге өчен хәрби кием, һәм бүгеннән үк Сез сәламәтлек артыннан сәяхәткә барасыз! Безнең девиз: хәрәкәт, ышаныч, хезмәт».
Казан мэры И.Р.Метшин җыелганнарны рус, татар һәм инглиз телләрендә сәламләп алгач, һәрвакыт Казан дәүләт медицина университетына укырга керергә теләвен, әмма барып чыкмаганын ассызыклап үтте. Илсур Рәис улы КДМУ студентларына мөрәҗагать итте: «Сез – бәхетлеләр! КДМУда уку бик күпкә мәҗбүр итә. Без Сезне безнең сәламәтлек саклауда көтеп калабыз».
Алексей Станислав улы Созиновны Татарстан Республикасында гына түгел, Россиядә дә иң креатив ректорларның берсе дип атап, Илсур Рәис улы КДМУ ректорына– медицина мәгариф һәм фән системасын үстергән хезмәте, Казан шәһәренең сәламәтлек саклау оешмалары өчен югары квалификацияле кадрларны әзерләүдә керткән саллы өлеше өчен Казан шәһәренең югары бүләген КДМУтын Хөрмәт Китабына кертү турында Таныклык (9.04.2014, №64) − тапшырды.
Тантаналы чараны традицион рәвештә КДМУның байрагын күтәрү, Белем көне Хартиясенә кул кую церемониясе һәм Белем Ачкычларын тапшыру белән дәвам иттеләр. Бу елны дәвалау факультетын иң әйбәт тәмамлаучы Юлия Акчурина беренче курс студентына, рус теленнән бөтенроссия олимпиадасында җиңүчесе Андрей Дмитренкога ачкычны тапшырды.
Алексей Станиславович югары уку йорты үзидарәсенең югары орган әгъзалары белән Казан дәүләт медицина университетының Белем Советы белән таныштырды.
Белем көне бәйрәме церемониясен тәмамлаганда, бәйрәмне алып баручылар – педиатрия факультетының 3 нче курс студенты Анастасия Шикалева һәм сәламәтлек саклауны оештыру кафедрасының ординаторы Дамир Гыйльманов – әйбәт укулар, менә дигән фәнни ачышлар һәм сәламәтлек теләп калдылар. Беррәттән КДМУның яшьләр гимны астында иң әйбәт беренче курс студентлары күккә шарлар һәм ак күгәрченнәр җибәрделәр!