ТР сәламәтлек саклау министры Адел Вафин Нижнекамск шәһәрендәге яңа сырхауханә төзелеше барышын тикшерде

5нче сентябрьдә Нижнекамск шәһәрендә Татарстан Республикасы сәламәтлек саклау министры Адел Вафин, Нижнекамск муниципаль районы башлыгы, Нижнекамск мэры Айдар Метшин,  Нижнекамск муниципаль районы Башкарма комитеты җитәкчесе Таһир Камалетдинов, Нижнекамск шәһәре сәламәтлек саклау идарәсенең башлыгы Илнур Халфиев һәм Нижнекамск районы үзәк күппрофильле хастаханәсенең баш табибы Габибулла Әхмәдов катнашында күчмә киңәшмә узды. Яңа олылар өчен 2нче номерлы сырхауханә Нижнекамск районы үзәк күппрофильле хастаханәсенең профиле үзгәргән дәвалау корпусы урынына урнашачак. ТР сәламәтлек саклау министры Адел Вафин билгеләп үткәнчә, ул илдәге иң яхшы сырхауханәләр арасында булачак. Җитешер өчен бизәкләү эшләрен тизләтергә дигән карарга килделәр, дөресрәге 2014нче елның декабрендә объектны эксплуатациягә кертергә.
Аннан соң сәламәтлек саклау министры Адел Вафин, Нижнекамск муниципаль районы башлыгы, Нижнекамск мэры Айдар Метшин шәһәрнең медицина хезмәткәрләре коллективы белән очраштылар.
А.Вафин Нижнекамск сәламәтлек саклау эшчәнлегенең югары сыйфатлы эшен һәм нәтиҗәләрен билгеләп үтте, үсеш планын хуплады. Чыгышында халыкның йөрәк-кан авыруларын профилактикалау, табиб кадрларын җәлеп итү һәм чиктәш белгечлекләргә укыту буенча актуаль мәсьәләләргә кагылып үтте.
Нижнекамск муниципаль районы башлыгы, Нижнекамск мэры Айдар Метшин медицина хезмәткәрләренең халыкның канәгатьлеген арттыру өчен тырышлыгын билгеләде һәм киләчәктә дә медицина хезмәткәрләренең яшәү шартларын яхшырту буенча эш дәвам итәчәк дип ышандырды.
Очрашу тәмамланганда Кама-Аланы район хастаханәсенең баш табибы Надир Хабибулла улы һәм туберкулезга каршы хастаханәнең баш табибы Илдар Камалетдинов, шулай ук гомуми практика табибы Антон Сабреков хастаханәләрне финанслау һәм программаны тәэмин итүне камилләштерү турындагы күптән борчыган сорауларын бирделәр.