Казанда 1000гә якын медик-студентлар белән «Спорт шимбәсе» узды

6нчы сентябрьдә Казанда 1000гә якын медик студентлар белән «Спорт шимбәсе» узды. Чараны Татарстан Республикасы яшьләр эшләре һәм спорт буенча министрлык, Казан шәһәренең физик культура һәм спорт буенча комитет ярдәме белән Казан дәүләт медицина университеты оештырган иде. «Без сәламәт, кушылыгыз!» акциясе хәрәкәтен ТР сәламәтлек саклау министры Адел Вафин чираттагы тапкыр хуплады.
Спорт бәйрәме кысаларында җиңел атлетика буенча олимпия чемпионы Юлия Зарипова һәм суда туп белән уйнау буенча Олимпия уеннарының көмеш призеры Ирек Зиннуров күнегүләр уздырды.
Барлык теләк белдерүчеләр футбол, баскетбол уйный, ХОӘ нормаларын биреп карый алды. ТР сәламәтлек саклау министры Адел Вафин һәм КДМУ ректоры Алексей Созинов киләчәк табиблар белән бергә күнегүләр ясадылар һәм аннары 3 километрга йөгерделәр. Шулай ук чара кысаларында кайбер КДМУ студентларына «Спорт мастеры» исеме бирелде. «Спорт шимбәсе» − медицина университетында 14 ел дәвамында булган «Без сәламәт, кушылыгыз!» акциясе хәрәкәтенең чираттагысы. Студентлар, укытучылар һәм университетның күпсанлы дуслары катнашындагы хәрәкәтнең максаты – сәламәт яшәү рәвешен пропагандалау. «Спорт шимбәсенең» бурычы – кешеләрнең игътибарын ачык һавада физкультура белән шөгыльләнүгә тарту, паркларда һәм скверларда сәламәтләндерү күнегүләре традициясен яңарту. Хәзерге вакытта шәһәр паркларын реконструкцияләү һәм яңа скверларны ачу аркасында әлеге мөмкинлекләр белән бөтен казанлылар файдалана ала.
Казан дәүләт медицина университеты бөтен кешене өнди – сәламәт һәм бәхетле кешеләр җәмгыятенә кушылыгыз!