БРКХдә халык өчен вакцинопрофилактика буенча иң әйбәт мәкаләгә ТР табиблары арасындагы конкурска нәтиҗәләр чыгардылар

5нче сентябрьдә БРКХдә «Халык өчен вакцинопрофилактика буенча иң әйбәт мәкаләгә» ТР табиблары арасындагы конкурска нәтиҗәләр чыгардылар. Конкурс «Гаилә һәм мәктәп» журналы белән берлектә әзерләнгән иде. Абруйлы жюри хөкеменә 22 мәкалә тәкъдим ителде, алар арасында интернет-сайлауда катнашкан 10 иң кызыклы, күп сыйдырышлы һәм эчтәлекле бастырылып чыккан мәкаләләр сайлап алынды.Сораштыру бик кызыклы һәм дәвамлы үтте, шулай итеп мәкалә эчтәлекләре белән Татарстанның күпсанлы яшәүчеләре, балалы гаиләләр таныша алды. «Гаилә һәм мәктәп» журналының баш мөхәррире әйтүенчә, бер көн эчендә генә сайлаучылар саны йөздән артык кешегә җитә иде. Шулай итеп, халык сайлаулары фикеренчә, иң яхшылары дип түбәндәге катнашучылар табылды:
1нче урын: Сафин Альберт Мансур улы − «Кама-Тамагы ҮРХ» ДАССОның участок табиб-педиатры һәм Сафин Руслан Альберт улы КДМУның педиатрия факультетының студенты.
2нче урын: Черемисина Тамара Федор кызы − «Әлмәт перинаталь үзәк белән балалар шәһәр хастаханәсе» ДАССОның балалар сырхауханәсенең мөдире.
3нче урын: Гафиатуллина Светлана Хәбир кызы − «Арча ҮРХ» ДАССОның участок табиб-педиатры.
Призлы урыннарны алган җиңүчеләрне дипломнар һәм кыйммәтле бүләкләр белән билгеләп үттеләр. Калган финалистларны рәхмәт хатлары белән бүләкләделәр.