1нче сентябрьдән 7нче сентябрьгә кадәр ашыгыч хезмәт табиблары 7747 тапкыр кешеләрне коткарырга чыктылар

1нче сентябрьдән  7нче сентябрьгә кадәр ашыгыч хезмәт табиблары 7747 тапкыр кешеләрне коткарырга чыктылар, алар арасында 1309 чакыру җәмәгать урыннарына. 947 тапкыр табиблар һәлакәт урыннарына бардылар, алар арасында – 56 юл-транспорт һәлакәте. Бу ЮТҺләрендә 76 кеше зыян күрде, 47 кешене дәвалау оешмаларына илттеләр, 3 кеше үлде. Янгыннарга табиблар 14 тапкыр чыктылар. Казанның Ашыгыч медицина ярдәме күрсәтү станциясеннән табиблар бала тудырырга 109 тапкыр бардылар. Төрле авырулар буенча 6153 чакыру үтәлде, алар арасында  56 – кискен миокард инфаркты, 195 − баш мие кан әйләнешенең кискен бозылуы.
Алдагы атна белән чагыштырганда үтәлгән чакырулар 123кә кимегән (һәлакәтләр һәм бала табулар исәбе буенча).
Мөрәҗагать итүнең саны арткан: кискен миокард инфаркты буенча – 12 тапкырга. Чакырулар саны ЮТҺ буенча 18гә, янгыннар 5кә, баш мие кан әйләнешенең кискен бозылуы 11га тапкырга кимегән. Җәмагать урыннарына чакырулар саны 127гә кимегән. Җылылык һәм кояш сугу буенча мөрәҗагатьләр булмады.
Исегезгә төшерәбез, «ашыгыч ярдәмгә» шәһәр телефоныннан «03», кәрәзле телефоннан «103» (бушлай) номеры буенча шалтыратырга кирәк. Әгәр шалтыратканда эләгеп булмаса, тормышка зыян китерә торган халәтләрдә «112» номеры буенча шалтыратырга мөмкин. Саңгыраулар SMS-хәбәр җибәрәләр. Ашыгыч ярдәм итү бригадалары авыру яки зыян күрүчеләр янына тиз килеп җитеп һәм вакытында медицина ярдәмен күрсәтсен өчен чакыручы «03» буенча чакыруны кабул итүче фельдшерның (диспетчерның) барлык сорауларына ачык һәм төгәл итеп җавап бирергә тиеш. Чакыруның сәбәбен, урынын һәм адресын (шәһәр, урам, фатирның номеры, этаж, подъездның коды һәм номеры), юнәлешләр, авыруның яки зыян күрүченең фамилиясе, исеме, әтисенең исеме әйтелергә тиеш., Әгәр фельдшер барлык бирелгән сорауларга җавап алып, чакыручыга «Сезнең чакыру кабул ителгән» дип, кабул итүнең вакытын һәм адресын кабатлап әйтсә, чакыру кабул ителгән булып исәпләнә.