ТР Кайбыч районында яңа ФАП ачылды

2014нче елның 10нчы сентябрендә Кайбыч муниципаль районының Кошман авылында модульле фельдшер-акушер пунктының тантаналы ачылышы булды.
Чарада Казан (Приволжск) Федераль университетының ректоры И.Р. Гафуров, Татарстан Республикасының Куркынычсызлык советы секретаре В.А. Власов, ТР ССМның метрологик һәм техник тикшерү, хезмәт саклау идарәсенең башлыгы Ф.А Исхаков, Кайбыч муниципаль районының башлыгы А.И.Рәхмәтуллин, башкарма комитет бүлекләренең башлыклары, баш табиб Г.М.Магомедов белән берлектә Кайбыч үзәк район хастаханәсенең һәм фельдшер-акушер пунктларының медицина хезмәткәрләре, төзүчеләр һәм авылда яшәүчеләр катнашты.
Символик рәвештә ачкыч тапшыргач һәм кызыл тасманы кискәч, кунаклар фельдшер-акушер пунктын эчтән карап чыктылар.
Үзенең чыгышында Кайбыч муниципаль районының башлыгы А.И.Рәхмәтуллин кыйммәтле бүләк һәм тормыш шартларын яхшыртуга бәйле Кошман авылы халкының шатлыгы өчен республика җитәкчелегенә бик зур рәхмәт сүзләрен җиткерде.