ТР сәламәтлек саклау министры Адел Вафинның Норлат районына визиты

Норлат районына визит кысаларында район башлыгы Равил Кузюров катнашында Адел Вафин  үзәк район сырхауханәсендә һәм акушерлык бүлегендә капиталь төзәтү эшләре белән танышты. 1989нчы елда төзелгән сырхауханә бинасында капиталь төзәтү 2001, 2007нче елларда булды. Хәзерге төзәтү эшләре – иң масштаблы, монда эшләр 30 миллион сумга башкарылды. Алар арасында 6 миллион җиһазлар сатып алуга киткән.
−     Июньдә башланган эшләрнең 60 процентын без инде башкардык, − дип әйтте «Лидер» ТКнең» төзү буенча инженеры Антон Мальцев. Бинаның фасадын тышлау һәм 2нче, 3нче этаждагы эчке яктан төзәтү тәмамлана, түбәдәге эшләр беткән.
Министр һәм район башлыгы эшләрне тизләтергә кирәклеген билгеләп үтте.
−     Эшләр сәламәтлек саклау министрлыгы стандартлары буенча башкарылырга тиеш, − диде Адел Вафин.
Тулысынча алганда, министр эшләр белән канәгать калды һәм киләчәктә дә сыйфатны һәм  эш тизлеген бер юнәлештә тотарга киңәш итте.