КДМУның госпиталь терапия кафедрасы Әлки районында күчмә утырыш уздырды

Әлки районында Казан дәүләт медицина университеты эндокринология курсы белән  госпиталь терапиясе кафедрасының киңәйгән күчмә утырышы узды.
Кафедраның профессор−укытучылар составы белән берлектә интерннар, ординаторлар һәм аспирантлар «Базарлы-Матак ҮРХ» МБССОна (баш табиб Одушкина С.В.) лекция белән бардылар. Хастаханә хезмәткәрләре каршында кафедра мөдире, м.ф.д., доцент Д.И.Абдулганиева, кафедра доценты, м.ф.д. А.Н.Максудова, кафедра ассистенты, м.ф.к. Э.Р.Кириллова чыгыш ясадылар.
Стационар һәм хастаханә табиблары белән исерткеч эчемлекләрне чиктән тыш мавыкканда эчке әгъзаларның зарарлану үзенчәлекләре, үлем очрагында булган ялгышларны төшенү, өзлекмәгән һәм өзлеккән сидек юллары инфекциясе белән авыручыларны алып бару тактикасы турында сорауларны тикшерделәр. Татарстан Республикасында диспансеризацияне үткәрү үзенчәлекләрен – этапларны, диспансеризация сыйфатын арттыру юлларын, перспективаларны − аерым карадылар, РФ ССМ «Дәүләт профилактик медицина фәнни-тикшерү үзәге» ФДБО тарафыннан махсус видеороликлар тәкъдим ителде.
Уку елы башында Татарстанның төрле регионнарында  күчмә кафедраль җыелышлар үткәрү 9 ел дәвамында кафедраның традициясенә әйләнгән. Яшь табиблар – интерннар,ординаторлар, аспирантлар районнарның сәламәтлек саклауы белән генә түгел, шулай ук республика регионнарының мәдәни истәлекле урыннары һәм үзенчәлекләре белән танышалар.
Әлки районында кафедра коллективы алпавыт С.М.Лисенков ис. тарихи−туган якны өйрәнү музеена бардылар, анда районның тарихы һәм уникаль космонавтика музее белән таныштылар.
Киләчәктә районның практик сәламәтлек саклау белән хезмәттәшлек турында килешүгә ирешелде.