Казан туберкулез хастаханәсенә 100 яшь!

2014нче елның 12нче сентябрендә «Казан туберкулез хастаханәсененең» 100 яшьлегенә багышланган юбилей конференциясе, фтизиатрия ветераннарын котлау, хастаханә хезмәткәрләренә ТР ССМның рәхмәтләрен игълан итү һәм  ТР ССМның хөрмәт грамоталарын тапшыру булды.
Конференциядә Татарстан Республикасы Сәламәтлек саклау министрлыгының вәкилләре, ТР Биектау муниципаль районының вәкиле, «Республика туберкулезга каршы клиник диспансер» ДАССОның вәкилләре, Россия Федерациясе сәламәтлек саклау хезмәткәрләренең профсоюз оешмасының Татарстан Республикасы Комитеты рәисе, «Республика туберкулезга каршы клиник диспансер» ДАССОсы бүлекләренең баш табиблары һәм медицина хезмәткәрләре, «Казан туберкулез хастаханәсененең» ветераннары, Татарстан Республикасының иң яхшы фтизиатрлары, кунаклар һәм чакырылганнар катнаштылар.
1948нче елдан 2014нче елга кадәр «Казан туберкулез хастаханәсендә» 145 мең пациент дәваланды, алар арасында 25 мең Бөек Ватан сугышы ветераны. 1996нчы елдан алып хәзерге вакытка кадәр Татарстан Республикасы сәламәтлек саклау органнарынан  хастаханәгә капиталь ремонтка 22 млн.сумга якын акча бүлеп бирелде. 2012нче елның 24 сентябрендә фтизиатрия музее ачылды. Ул искергән җиһазларны, медицина инструментариен, һәвәскәр фоторәсемнәрне һәм башка әйберләрне  тарих өчен экспонат сыйфатында саклап кала алган барлык хастаханә хезмәткәрләре ярдәмендә булдырылды. 2014нче елда «Казан туберкулез хастаханәсенә» яшь һәм перспективалы белгечләр килде: табиб-фтизиатрлар Рузилә Рәхимова һәм Светлана Лезгова, табиб-психиатр Артем Коваль. «Казан туберкулез хастаханәсенең» медицина хезмәткәрләре коллективы үзләренең кадерле медицина оешмасының йөз еллык тарихы, аның  эмблемасы һәм байрагы кына түгел, шулай ук гимны булуы белән  горурлана.