VIII БДБ илләре һәм Евразиянең онкологлар һәм радиологлар корылтае беренче шәхесләр ярдәмен алды

2014 елның 16−18 сентябрендә Казанда VIII БДБ илләре һәм Евразиянең онкологлар һәм радиологлар корылтае узачак, ул үзенең мәйданчыгында Россия һәм халыкара медицина өлкәсендәге әйдәүче белгечләрен җыячак. Киләчәк вакыйга онкология һәм медицина берләшмәсе өчен БДБ илләрендә иң эре чара булып тора. Корылтайның фәнни хезмәтендә төп игътибар  яман шеш белән авыручыларны һәрьяклап диагностикалауга һәм реабилитацияләүгә бирелгән. Корылтайның тантаналы ачылышында Татарстан Республикасының Премьер-министры И.Ш.Халиков һәм Россия Федерациясенең сәламәтлек саклау министры урынбасары Т.В.Яковлева катнашачак. Билгеләп үтәргә мөһим, Корылтайның президиумын үзенең фәнни һәм практик хезмәтен үпкә, үңәч, ашказаны яман шешләрен, күкрәк читлеге шешен хирургик дәвалауның яңа һәм булган алымнарын камилләштерүгә багышлаган атаклы галим, м.ф.т., проф. М.И.Давыдов җитәклиячәк. Ул техник башкару үзенчәлеге, абсолют хәвефсезлек һәм югары физиология белән аерылып торган плевра эчендәге ашказаны-үңәч һәм үңәч-эчәк анастомозларны дәвалауның, шулай ук медиастиналь һәм ретроперитонеаль лимфодиссекция аркасында үңәч, үпкә, ашказаны яман шешләрен дәвалау нәтиҗәләре яхшыртуга китергән оператив катышуның принципиаль яңа методикаларын эшләп чыгарды.
Хәзерге вакытта М.И.Давыдов РМФАсенең «Н.Н.Блохин ис. РОФҮ» ФДБОсын, БДБ илләре онкология һәм рентгенорадиология институтларының җитәкчеләр берләшмәсен җитәкли, Россия сәламәтлек саклауның баш онкологы, Халыкара хирурглар җәмгыяте, Америка хирурглар җәмгыяте, Европа хирурглар җәмгыяте, Нью-Йорк фәннәр академиясе әгъзасы булып тора.
Уздыру урыны: «Корстон-Казань» Сәүдә-күңел ачу кунакханә комплексы, Н.Ершов ур., 1А.