Тукай муниципаль районының Белоус авылында яңа ФАП ачылды

2014нче елның 12нче сентябрендә Тукай муниципаль районының Белоус авылында модульле фельдшер-акушер пунктының тантаналы ачылышы булды. Бәйрәмчә бизәлгән бина янында күңелле музыка уйнады, милле киемнән киенгә кызлар күзләрне шатландырды, коймаклар белән чәй эчү оештырылды. Чарада Тукай муниципаль районының башлыгы В.Г.Хаҗиев, башкарма комитет бүлекләренең башлыклары, Яр Чаллы шәһәре буенча сәламәтлек саклау идарәсенең башлык урынбасары Л.Л.Репина, баш табиб Г.Г.Сабирҗанов белән берлектә Тукай үзәк хастаханәсе һәм фельдшер-акушер пунктларының медицина хезмәткәрләре, төзүчеләр һәм авылда яшәүчеләр катнашты.
Чараны Кече Шилнә авыл башлыгы ачып җибәрде. Төзүдә актив катнашучыларга истәлекле бүләкләр тапшырды,  үзенең чыгышында кыйммәтле бүләк һәм тормыш шартларын яхшыртуга бәйле Белоус авылы халкының шатлыгы өчен сәламәтлек саклау министрлыгына бик зур рәхмәт сүзләрен җиткерде.
Республика сәламәтлек саклау министрлыгы исеменнән Яр Чаллы шәһәре буенча сәламәтлек саклау идарәсенең башлык урынбасары Л.Л.Репина сәламәтлек саклау оешмаларына даими ярдәм өчен район җитәкчелегенә рәхмәт белдерде, бөтен кешегә иминлек теләде.
Рәхмәт сүзләре белән баш табиб Г.Г.Сабирҗанов һәм авыл халкы чыгыш ясадылар.
Символик рәвештә ачкыч тапшыргач һәм кызыл тасманы кискәч, кунаклар фельдшер-акушер пунктын эчтән карап чыктылар.