Фәрид Мөхәммәтшин Чүпрәле районның Үби саласында фельдшер-акушерлык пунктын ачты
Бүген Чүпрәле муниципаль районы Советының 43нче утырышы булды. Утырышның эшендә Татарстан Республикасы Дәүләт Советының Рәисе Фәрид Мөхәммәтшин катнашты.
ТР парламенты җитәкчесенең эш визиты Үби саласында ФАПны тантаналы ачудан башланды.
Район башлыгы Александр Шадриков билгеләде: бүген ФАПны ачу – социаль тормышны һәм салада халык турында кайгыртуны яхшырту.
Татарстанда, Президент Рөстәм Миңнеханов инициативасы буенча, салада сәламәтлек саклау, мәгариф, мәдәният оешмаларын саклау өчен күбесе эшләнә дип, Республика Дәүләт Советының Рәисе Фәрид Мөхәммәтшин басым ясады.
«Бу юнәлешләрнең берсе – беренчел модульле ФАПларны урнаштыру. Бу вакыйга аерым мөһим һәм истәлекле, чөнки ул СССР Авиацион сәнәгате министры, ике тапкыр Социалистик хезмәт герое Петр Дементьевның саласында ачыла», – дип әйтте Фәрид Мөхәммәтшин.
Яңа медицина бинасына салада торучылар да шатландылар. Салада торучылар исеменнән Ираида Аюгина рәхмәт сүзләрен белдерде. ФАП мөдире Галина Трофимова һәм шәфкать туташы Людмила Калмыкова республика, район җитәкчелегенә комфортлы шартларда эшләргә мөмкинлек өчен шулай ук рәхмәтләр белдерделәр.