Сарман районының Иске Минзәләбаш саласында модульле фельдшер-акушерлык пунктының тантаналы ачылуы булды

Татарстанның районнарында модульле ФАПларны ачу Республика максатлы «2012–2016 елларга  Татарстан Республикасы халкына беренчел медик-санитар ярдәм күрсәтүне камилләштерү» программасын гамәлгә ашыру чикләрендә уздырыла. Бүгенге көнгә бу ФАП районда сигезенче, якындагы вакытта Иске Кәшер һәм Кәүҗияк торак пунктларында тагын ФАП ачылуы булачак.

Ачу церемониясендә башкарма комитет җитәкчесенең урынбасары Нуртдинов Л.Х, Яр Чаллы шәһ. Сәламәтлек саклау идарәсе җитәкчесенең урынбасары Афатова Л.И., ҮРХнең баш табибы Билалов И.Н., шулай ук салада торучылар катнаштылар.

Фельдшер Фәхертдинова Р.М. 1994 елдан башлап ФАП мөдире булып эшли. Ул 600 артык салада торучыны күзәтә.

Баш табиб Ирек Билалов торучыларны мөһим вакыйга белән котлады, Татарстан Республикасы Хөкүмәтенә, Татарстан Республикасы Сәламәтлек саклау министрлыгына, Сарман муниципаль районының җитәкчелегенә, подрядка алынган оешмаларга, модульле ФАПны торгызуда катнашкан төзүчеләргә рәхмәтләрен белдерде.

Тантаналы ачудан соң чарада катнашучылар бинаны карап чыктылар, медицина ярдәмен күрсәтү шартларының уңайлылыгын һәм комфорт дәрәҗәсен билгеләделәр.