Адел Вафин: «Үз сәламәтлегегездә экономия ясамаска чакырам!»

Моның турында 2016 елга социаль хезмәтләр җыелмасы белән гражданнарны тәэмин итү буенча чараларны оештыруга һәм уздыруга багышланган республиканың муниципаль районнары белән видеоконференция тәртибендә республика селектор киңәшмәсе барышында сәламәтлек саклау министры сөйләде.

«2016 елга социаль хезмәтләр җыелмасы белән гражданнарның аерым категорияләрен тәэмин итү буенча чараларны оештыру һәм уздыру турында» дигән төп доклад белән Татарстанның сәламәтлек саклау министры урынбасары Фәридә Яркаева чыгыш ясады. Аның сүзләре буенча, барысы федераль регистрның региональ сегментында 2015 елның 1 июленә – 355 711 кеше. Социаль хезмәтләр җыелмасын алырга хокуклары булган федераль  льготникларның саны – 109758 кеше.

Социаль хезмәтләр җыелмасыннан баш тарту вакытында акчалата компенсациянең суммасы айга 716,40 сум тәшкил итә.

Фәридә Яркаева басым ясады: баш тартучыларның иң зур проценты белән артта калучылар булып элеккечә, узган елда булган, шул ук районнар калдылар (Кукмора (76,3%), Актаныш (76,1%), Баулы (75,9%), Яшел Үзән (75,8%), Балтач (74,8%), Норлат (74,7%), Бөгелмә (74,1%), Чистай (74,0%), Алексеевск (73,6%) районнары).

Баш тартучыларның иң кечкенә проценты Яңа Чишмә (59,7%), Мөслим (60,4%), Тукай (61,8%), Югары Ослан (62,7%), Алабуга (63,5%), Кама Тамагы (63,6%), Сарман (63,6%) районнарында.

Министр урынбасарының доклыдын тыңлагач, Адель Вафин республиканың муниципаль районнары башкарма комитетларының җитәкчеләренә мөрәҗәгать итте. Льготалы дарулар алуга хокук урынында гражданнар акчалата компенсацияне сайлыйлар һәм аңлы рәвештә үзләрен киләчәктә дару һәм дәвалауны дәүләт исәбенә алырга үзләрен мөмкинлексез калдыралар, дип билгеләде ул.