Татарстан Республикасы Сәламәтлек саклау министрлыгы

10 августтан башлап 16на кадәр Казанның ашыгыч ярдәм хезмәтенең табиблары кешеләрне коткарырга 76671 тапкыр чыктылар

2015 елның 17 августы, дүшәмбе

10 августтан башлап 16на кадәр Казанның ашыгыч ярдәм хезмәтенең табиблары кешеләрне коткарырга 7661 тапкыр чыктылар. Бәхетсезлек очракларына медиклар 1014 тапкыр, шул санда юл-транспорт һәлакәтләренә 52 тапкыр чыктылар. Шул ЮТҺдә 42 кеше зыян күрде, 20 кеше дәвалау оешмаларына китерелде. Бала табуларга Казанның Ашыгыч медицина ярдәме станциясеннән медиклар 109 тапкыр чыктылар. Төрле авырулар буенча 5962 чакыру үтәлде, алар арасында көчле миокард инфарктлары – 37, баш мие кан әйләнешенең көчле бозылулары –177.
Узган атна белән чагыштырганда чакырулар саны 6га кимеде (авырулар, бала табулар һәм бәхетсезлек очраклары исәбенә). Чакырулар саны көчле миокард инфарктлары буенча – 15кә кимеде. Чакырулар саны баш мие кан әйләнешенең көчле бозылулары буенча – 5кә, ЮТҺ буенча – 9га, бала табулар буенча – 6га, янгыннар буенча – 6га артты. Җәмәгать урыннарына чакырулар саны 189га кимеде.

Исегезгә төшерәбез, «ашыгыч ярдәмгә» шәһәр телефоныннан «03» номерын җыеп шалтыратырга кирәк, ә кәрәзле телефоннан – «103» (түләүсез). Әгәр шалтыратып булмый икән, тормышка куркыныч янаган хәлләрдә «112» номеры буенча шалтыратырга мөмкин. Чукрак-телсез кешеләр SMS-хәбәрләр җибәрәләр. Авыру яисә зыян күргән кеше янына ашыгыч ярдәм бригадаларын тиз итеп җибәрү өчен һәм үз вакытында медицина ярдәмен күрсәтү өчен чакыручы «03» номерында эшләүче фельдшер (диспетчер) биргән бөтен сорауларга аңлаешлы һәм төгәл итеп җавап бирергә тиеш.

Чакыруның сәбәбен, урынын һәм адресын (шәһәрнең районын, урамын, квартира номерын, катын, подъезд номерын һәм кодын), ориентирларны, авыруның яисә зыян күргән кешенең фамилиясен, исемен, әтисенең исемен хәбәр итәргә кирәк. Фельдшер, бирелгән сорауларга тулы җаваплар алгач, чакыручыга «Сезнең чакыруыгыз кабул ителде» дип җавап бирсә, чакыруны кабул итү вакытын әйтсә һәм адресны кабатласа, чакыру кабул ителгән дип санала.

БАРЛЫК ЯҢАЛЫКЛАРНЫ УКУ