Рөстәм Миңнеханов «Лениногорск район үзәк хастаханәсе» ДАССОның балалар стационарына килеп китте

Бүген Татарстан Республикасы Президентының вазыйфасын вакытлыча башкаручы Рөстәм Миңнеханов реконструкциядән соң яңадан ачылган «Лениногорск район үзәк хастаханәсе» ДАССОның балалар стационарына килеп китте. Масштаблы төзәтү эшләре бу елның гыйнвар аенда башландылар. Ремонт барышында эчке биналарны өлешчә яңадан планлаштыру эшләнде, бөтен эчке һәм тышкы инженер челтәрләрен алмаштыру уздырылды, фасад җылытылды һәм тышланды, тәрәзә һәм ишек блоклары алмаштырылды.