Адел Вафин: «Халык сәламәтлеген саклау – безнең төп бурычыбыз һәм яхшы белгечләрдән башка моңа һич тә ирешеп булмый»

«Халык сәламәтлеген саклау – безнең төп бурычыбыз һәм яхшы белгечләрдән башка моңа һич тә ирешеп булмый», –  шундый сүзләр  белән Татарстанның сәламәтлек саклау министры Адел Вафин  «ТР сәламәтлек саклауны кадрлар белән тәэмин итү. Мәсьәләләр. Аларны чишү юллары» дигән коллегиянең утырышында муниципаль районнарның башлыкларына мөрәҗәгать итте.  Утырыш бүген ТР Сәламәтлек саклау министрлыгының Югары медицина технологияләренең белем бирү үзәгендә республиканың муниципаль районнары белән видеоконференция тәртибендә булды.