Татарстан Республикасы Сәламәтлек саклау министрлыгы

КБМҮнең Балалар хастаханәсендә «кылыйлык» диагнозы белән балаларга операцияләрне уңышлы ясыйлар

2015 елның 13 октябре, сишәмбе

КБМҮнең офтальмология хезмәте – оешманың дәвалау эшчәнлегендә яңа юнәлеш. Монда инде «җитлекми туган балаларның ретинопатиясе» диагнозы белән балаларга операцияне уңышлы ясыйлар. Хәзер кылыйлыкны бетерү буенча хирургик операцияләр башландылар. Кылыйлыкны дәвалауның төп алымы – консерватив, нәтиҗә булмаса, оператив дәвалауга мөрәҗәгать итәләр. Кылыйлыкны оператив дәвалау, беренче чиратта, күзләрне симметрик урынга кайтаруга юнәлтелгән. Оператив тыкшыну гомуми анестезия астында уздырыла. Операциядән соң стационар дәвалауда булу вакыты 3–4 көн тәшкил итә. Аннан соң хастаханәдән чыгудан соң дәвалауны амбулатор шартларда дәвам итәргә кирәк. Кылыйлык белән җәфаланган (аларның яшьләренә бәйсез) пациентларның күбесе үзләренең кыяфәтләре буенча психологик дискомфорт кичерәләр, һәм операция бу мәсьәләне чишәргә ярдәм итә. «КБМҮ» ДАССОда кылыйлыкны оператив дәвалауны 30-еллык эш тәҗрибәсе белән табиб-офтальмолог Азат Заһит улы Фәрхетдинов үткәрә. Бу елда 7 операция уңышлы үткәрелде.

БАРЛЫК ЯҢАЛЫКЛАРНЫ УКУ