Сугыш ветераннары һәм тыл хезмәтчәннәре хастаханәләрдә дә котлауларны кабул итәләр

Җаваплы һәм күңелле миссия белән  ТР ССМ РКОДның баш табибы урынбасары И.В. Шәймарданов, бүлекләренең мөдирләре һәм өлкән шәфкать туташлары Республика клиник онкология диспансерында дәвалауда шушы вакытта булучы Бөек Ватан сугышының ветераннарын һәм тыл хезмәтчәннәрен Җиңү көне белән котладылар. Рәхмәт сүзләре, җылы котлаулар һәм нык сәламәтлек теләкләре белән алар ветераннарга мөрәҗәгать иттеләр. Бөтен ветераннарга чәчәкләр һәм истәлекле бүләкләр бирделәр.