Татарстан сәламәтлек саклау министрының Медицина хезмәткәре көне белән котлау сүзе

Хөрмәтле коллегалар! Медицина хезмәткәре көне белән чын күңелдән сезне котлыйм. Кешеләргә сәламәтлек бүләкләргә, аларның газапларын җиңеләйтергә, яхшы сыйфатлы тормышның шатлыгын кайтарырга – шушы максатлардан гуманлырак һәм күркәмлерәк юк.  Дөньяга килүнең беренче мизгеленнән табиблар кешегә игътибар һәм кайгыртучанлык күрсәтә. Беренче чакыру буенча ак халатлы кешеләр иң читен хәлләрдә безгә ярдәм күрсәтергә киләләр.