ЯҢАЛЫКЛАР

Татарстан Республикасы Министрлар кабинетының карары белән ТР сәламәтлек саклау министрының урынбасыры вазыйфасына Владислав Виниченко билгеләнде.

Ул 1981 елның 2 маенда туды.

Белеме югары. 2003 елда Казан дәүләт медицина университетын «стоматология» белгечлеге буенча тәмамлады, 2007 елда В.И.Ульянов-Ленин исемендәге Казан дәүләт университетын «юриспруденция» белгечлеге буенча тәмамлады.  

2016 елның 27 декаберендә Республика клиник тире-венерология диспансеры 4нче номерлы сырхауханә бүлегенең икенче бинасы ачылачак. Яңа бинада Казан шәһ. Совет районы һәм Татарстан Республикасы районнарында торучыларга амбулатор-сырхауханә ярдәме күрсәтеләчәк.

Шәһәр стационарлары календарь буенча атнаның бөтен көннәрендә тәүлек буена сузылган тәртиптә эшлиләр. Хастаханәгә урнаштыру территориаль принципы буенча авыру профиленә карап гамәлгә ашырыла.

Бала табу йортлары календарь буенча атнаның бөтен көннәрендә тәүлек буена сузылган тәртиптә эшлиләр.

Йөкле һәм бала табучы хатыннарны хастаханәгә салу территориаль принципы буенча гамәлгә ашырылачак:

-  «КМУ» ДАССОның бала табу йорты (Толстой ур.,4) – Вахитов, Совет һәм Идел буе районнарының хатын-кызлар консультацияләрендә диспансер исәбендә торучы йөкле хатыннары;

-  «16нче номерлы ШКХ» ДАССОның бала табу йорты (Гагарин ур., 54) – Киров, Мәскәү, Авиатөзелеш һәм Яңа-Савиново районнарының хатын-кызлар консультацияләрендә диспансер исәбендә торучы йөкле хатыннары.

Гинекологик стационарлар календарь буенча атнаның бөтен көннәрендә тәүлек буена сузылган тәртиптә эшлиләр. Ашыгыч гинекология ярдәме шулай ук территориаль принципы буенча күрсәтеләчәк.

Сырхауханәләр 2017 елның 1 гыйнварыннан башлап 8нә кадәр 9.00 башлап 17.00 кадәр түбәндәге график буенча эшлиячәкләр:

- 2017 елның 1, 2, 4, 5, 7, 8  гыйнварында – дежур терапевтик бригадалар;

- 2017 елның 3 һәм 6 гыйнварында – көчәйтелгән  тәртиптә: терапевтик бригадалар, «тар профильле» белгечләр, рентгенология кабинеты, лаборатория, көндәлек тәртиптә эш белән травматология пункты.

Бер көн элек Кама балалар медицина үзәгенең перинаталь үзәгендә  юбилей ел башыннан җиде меңенче бала тудыру кабул итте. 3430 аврлык белән һәм 53 сантиметр буйлы малай дөньяга килде. 

Бүген Казанда 2016 елның фән һәм техника өлкәсендә Татарстан Республикасы дәүләт премияләрен тапшыруның тантаналы церемониясе булды. 2016 елда югары бүләк белән билгеләнгәннәр арасында медицина өлкәсендә ике эш. Бу Казан дәүләт медицина академиясе, Республика клиник хастаханәсе, шулай ук Регионара клиник-диагностик үзәк галимнәренең эшләре. Тикшеренү мәгълүматлары безнең медикларның югары статусын раслыйлар, фундаменталь һәм практик  медицинаның актив үсеше турында таныклыйлар.

Казанда «Республика клиник психиатрия хастаханәсенең иң яхшы психиатры-2016»  конкурсының йомгакларын ясадылар. Конкурста хастаханәнең һәм аның филиалларының 19 яшь табибы-психиатры катнашты. Алар статистик күрсәткечләрнең анализын кертеп үзләренең эшчәнлеге турында отчетлар, шулай ук үз кызыксынулары һәм мавыгулары турында эссе тәкъдим иттеләр.

2016 елның 19 декабреннән башлап 25нә кадәр Казанның Ашыгыч ярдәм станциясенә 9671 чакыру керде.  Җәмәгать урыннарына 1231 чакыру керде. Чакыруларның иң зур саны – 7925 – төрле авыруларга, шул санда 180 инсультка һәм 45 инфаркта туры килде. Бала табуларга ашыгыч медицина табиблары 84 тапкыр чыктылар.

Бүген Татарстан Республикасы сәламәтлек саклау министры Адел Вафин Республика клиник онкология диспансерында йомгаклау пресс-конференциясендә  масса-күләм  мәгълүмат чараларының вәкилләре белән очрашты. Гадәттәгечә министр онкология авырулары белән көрәшү елы дип игълан ителгән 2016 елның иң мәгънәле вакыйгаларын һәм нәтиҗәләрен искә алып китте һәм киләчәк елга планнарны билгеләде. 

21 һәм 22 декабрьдә Республика кан үзәгендә Яңа ел алдыннан «Минем уникаль каным  гомер коткара!» акциясенең тагын ике көне узды. Акция  максаты – тискәре резуслы сирәк группалар белән кан банкы резервын тулыландыру.

Республика клиник онкология диспансерында Районара «Онкологиядә медицина реабилитациясенең көнүзәк мәсьәләләре» дигән конференция уза. Чарада баш табибларның дәвалау эше буенча урынбасарлары, онкологлар, дәвалау физкультурасы һәм  спорт медицинасы табиблары, табиблар-фтизиатрлар, шулай ук реабилитация мәсьәләләре белән шөгыльләнүче белгечләр катнашалар.