ЯҢАЛЫКЛАР

Европаның әйдәүче рентген-васкуляр хирургларының берсе, профессор Павел Гавора (Словакия) катнашуы белән Балалар республика клиник хастаханәсендә балаларга йөрәккә операцияләр узалар. Балаларга бөтен операцияләр иң оптималь һәм саклый торган алымнар белән үткәрәләр – эндоваскуляр итеп, ачык операциясез һәм киң кисемләрсез. БРКХ рентгеноэндоваскуляр диагностика һәм дәвалау бүлегенең җиһазландыруы, хезмәткәрләрнең тәҗрибәсе һәм квалификациясе тормышның беренче сәгатьләреннән йорәк һәм кан тамырлары кимчелекләре белән кечкенә пациентларына операция ясарга рөхсәт итәләр.

«Аналык муентыгының яман шешенә «юк» дип әйт» –  Казанның «Студенческая»  сырхауханәсендә аналык муентыгы патологиясен иртә диагностикалау буенча акция узды. Сырхауханәнең акушерлары-гинекологлары кешенең папиллома вирусы (КВП) белән йогышланган булу мәсьәләсе белән таныштырдылар.

Чирмешән үзәк район хастаханәсе табибы-дерматологы Равил Хәбибуллин 1нче номерлы Чирмешән кадетлар мәктәбендә профилактик дәрес уздырды, анда ул йогышлы тире авырулары профилактикасы турында сөйләде. Ул уку йортының укучыларына һәм укытучыларына йогышны тапшыру юллары, авыруның агымы, өзлегүләр, профилактика төрләре һәм чаралары турында сөйләде.

Казан ратушасында Казанның Башкарма комитеты булышлыгында «Мин һәм минем әнием фея » дигән Балалар республика клиник хастаханәсенең пациентлар иҗатының хәйрия күргәзмәсе булды.

Бүген Түбән Камада табиблар-педиатрлар өчен Республика белем бирү «Казан педиатрия мәктәбе» проекты чикләрендә «Хәзерге заман педиатриянең көнүзәк мәсьәләләре» дигән конференция уза. Конференциядә гастроэнтерология, нутрициология, кардиология өлкәләрендә балалар авырулары турында фикер алыштылар, фармакология, дару чараларын куллану, шулай ук табиблар-педиатрларның өзлексез белем мәсьәләләре карап тикшерелделәр.

8 марттан башлап 10на кадәр Югары медицина технологияләренең белем бирү үзәгендә Конфедерацияләр кубогы-2017 һәм Дөнья чемпионаты-2018 чараларын медицина тәэминатының белем бирү семинары уза.

22 апрельдән башлап 27нә кадәр Казанда «Физик культура һәм спорт – табибның икенче һөнәре» дигән Россия медицина һәм фармацевтик югары уку йортларының VI студентлар фестиваленең финал ярышлары узачак. Ул фестиваль ярышларының региональ этаплары 700 җиңүчеләрен берләштерәчәк. 2017 елның Фестиваленең үзенчәлеге булып чарага халыкара статусын биргән Кытай Халык Республикасы югары уку йортларының ярышларда катнашуы торачак. Спорт фестивален уздыру бишьеллык чор эчендә ярышларда барысы 20000 артык кеше катнашты.

Мамадыш үзәк район хастаханәсенең педиатрия бүлегендә хастаханәнең кечкенә пациентлары өчен «Дуслык пәрәвезе» дигән бәйрәм узды. Мавыктыргыч уйен формасында оригиналь сценарий буенча балалар төрле викториналарда, әкиятләрне белүгә конкурсларда катнаштылар.

Түбән Камада «Хезмәткә һәм оборонага әзер» (ГТО) Бөтенроссия физкультура-спорт комплексының кышкы фестиваленең 500 артык кеше катнашкан II (региональ) этабы узды. Аларга күп сынаулар узарга туры килде: гәүдәне күтәрү, озынлыкка сикерү, 25 һәм 50 метрга йөзү, көч гимнастикасы, пневматик винтовкадан ату һәм чангыда йөгерү. «Хезмәткә һәм оборонага әзер» (ГТО) Бөтенроссия физкультура-спорт комплексының кышкы фестиваленең нәтиҗәләре буенча предприятиеләр һәм оешмалар арасында Түбән Кама муниципаль районы Сәламәтлек саклау идарәсенең командасы икенче урын алды.

ТР ССМ Әлмәт районы буенча Сәламәтлек саклау идарәсендә җитәкче Вера Головина рәислегендә «Район башлыгы йөкләмәсе буенча эш оештыру турында» темасына коррупциягә каршылык күрсәтү буенча комиссия утырышы узды.